मुंबई: कोरोनाच्या संभाव्य संक्रमानापासून बचाव करण्यासाठी मध्य रेल्वेच्या तिकीट खिडक्यांवरील कर्मचाऱ्यांनी वेगळीच शक्कल लढवली आहे. बनावट नोटा ओळखणारे अल्ट्रावाॅयलेट मशीनचा वापर करून नोटांवर सॅनिटायझरची फवारणी केली जात आहे. त्यामूळे संभाव्य कोरोनाचा धोका टाळण्यासाठी मदत होत आहे. 

हेही वाचा: पालकांची चिंता मिटणार! पाल्य शाळेत न पोहचल्यास मोबाईलवर येणार अलर्ट..वाचा बातमी  

मध्य रेल्वे मार्गावर 49 रेल्वे स्थानकांवर 85 खिडक्या सुरू आहे. या सर्वच ठिकाणी य़ा मशिन आहे. कोरोना संक्रमणापासून बचावासाठी मध्य रेल्वेने तिकीट खिडक्यांवर असलेल्या या अल्ट्रावाॅयलेट मशीनचा मोठ्या प्रमाणात वापर सुरू केला आहे.  

बनावट नोटा ओळखणारे छोटे प्रिंटर (अल्ट्रावॉयलेट मशीन) आहेत. या यंत्रातूनच सॅनिटाइजरची फवारणी नोटांवर होत असल्याने, तिकीट खिडक्यांवरील कर्मचाऱ्यांना थोडाफार दिलासा मिळाला आहे. 

हेही वाचा: प्रवाशांपासून सोशल डिस्टन्सिंग पाळण्यासाठी मध्य रेल्वेचा 'हा' नवीन प्रयोग; वाचा सविस्तर बातमी 

मध्य रेल्वे मार्गावर अत्यावश्यक सेवेतील कर्मचाऱ्यांसाठी ज्या रेल्वे स्थानकांवर थांबे देण्यात आले आहे. अशा रेल्वे स्थानकांवरील तिकीट खिडक्यांवर या मशिन आधीच उपलब्ध करून देण्यात आल्या आहे. त्यामूळे नोटांच्या माध्यमातून कोरोना संसर्ग टळण्यासाठी मदत होणार आहे.

संपादन : अथर्व महांकाळ 

ultraviolet rays sanitizer machine at railway ticketing counter