मुंबई : सेवेतून निवृत्त होताना पोलिस चालकाला वरिष्ठ पोलीस अधिकाऱ्याकडून निरोप घेतानाचा व्हिडिओ सोशल मीडियावर व्हायरल झाला आहे. या फुटेजने तो क्षण टिपला आहे जेव्हा वरिष्ठ पोलीस निरीक्षकाने आपल्या सेवानिवृत्त पोलिस कर्मचाऱ्यासाठी स्वतः चालक बनून गाडी चालवली.

उल्लेखनीय बाब ही वरिष्ठ पोलीस अधिकाऱ्याने निवृत्त होत असलेल्या चालकालाच नाही तर त्याच्या कुटुंबाला शेवटच्या दिवशी घरी सोडण्यासाठी ड्रायव्हिंग सीट घेत स्वतः गाडी चालवली. मुंबईतील गावदेवी पोलीस ठाण्यातील ही सुखद घटना आहे.

सुनील मोरे यांनी 36 वर्ष पोलीस दलात कर्तव्य बजावल्यानंतर शुक्रवारी त्यांची सेवानिवृत्ती झाली. त्यांच्या टीमकडून या वेळीत्यांचा सन्मान करण्यासाठी निरोप समारंभ गावदेवी पोलीस ठाण्यात शुक्रवारी आयोजित करण्यात आला.

पुष्पगुच्छ आणि शुभेच्छा देत पोलीस ठाण्याचे वरिष्ठ पोलीस निरीक्षक शशिकांत यादव यांनी मोरे यांना पोलीस कॉलनी, वरळी येथील त्यांच्या घरी स्वतः गाडी चालवत नेले. सोशल मीडियावर व्हिडिओ ऑनलाइन पोस्ट केल्यानंतर वरिष्ठ पोलीस अधिकारी यादव यांनी नेटकऱ्यांची मने जिंकली. मुंबई पोलिसांच्या अधिकृत हँडलनेही ही क्लिप रिट्विट केली आहे. सर्वत्र गावदेवी पोलीस ठाण्याचे वरिष्ठ पोलीस निरीक्षक शशिकांत यादव यांचे त्यांच्या कृत्याबद्दल कौतुक होत आहे.