विजय गायकवाड

Nalasopara: वसईत एक दुर्दैवी घटना घडली आहे. तलावात पोहायला गेलेल्या 2 जणांचा बुडून मृत्यू झाला आहे.

तर 3 मुलं मुलं बेपत्ता असल्याचा संशय व्यक्त करण्यात येत आहे. वालीव पोलीस आणि वसई विरार महापालिकेच्या अग्निशमन दलाच्या जवानां कडून शोधकार्य सुरू आहे.

जी बेपत्ता मूल आहेत ती बुडाली की घाबरून पळून गेले आहेत याचा पोलीस शोध घेत असल्याची माहिती वालीव चे वरिष्ठ पोलीस निरीक्षक जयराज रणवरे यांनी दिली आहे.

अमित शर्मा (वय 13), अभिषेक शर्मा ( वय 14), असे मृतदेह मिळालेल्या मुलांची नाव आहेत.

तर ढोलू गुप्ता (वय 16,), कृष्णा गुप्ता (वय 10) आणि तिसऱ्याच नाव कळालं नाही. हे सर्वजण नालासोपारा पूर्व संतोषभूवन परिसरातील राहणारे आहेत. वसई पूर्वेच्या हवाईपाडा येथील फादरवाडी या परिसरात आज शनिवार ता 15 रोजी दुपारी सव्वा एक वाजता पाच जणांचा ग्रुप मुंबई दिल्ली कॅरीडोअरचा बाजूला विद्या विकासनी शाळेच्या मागे एका खोलगड खड्ड्यातील साचलेल्या पाण्यात पोह्याला गेला होता.

पाण्याचा अंदाज न आल्याने यातील दोन मुलं बुडाली . दोन मुलांना स्थानिकांनी बाहेर काढलं. ते मयत झाली आहेत. आता आणखीन तिघे जण बुडाले असल्याचा संशय व्यक्त केल्या जात आहे. वसई विरार अग्निशमन विभाग या तिघांचा शोध घेत आहेत. मात्र बेपत्ता मुलं बुडालीत की घाबरून तेथून पळून गेली आहेत याचा पोलीस आता शोध घेत आहेत