मुंबई: "महाराष्ट्रासंदर्भात पंतप्रधान नरेंद्र मोदी (narendra modi) यांची काय भूमिका आहे? ते मी सांगण्यापेक्षा राज्याच्या विरोधी पक्ष नेत्यांनी सांगावं. केंद्र सरकार महाराष्ट्राला सातत्याने सापत्न वागणूक देतय, हा आरोप मी सुरुवातीपासून करतोय. त्यावेळेस त्यांनी आमच्यावर उलट खोटे आरोप केले" असे राज्याचे मंत्री विजय वडेट्टीवार (vijay wadettiwar) म्हणाले. (vijay wadettiwar slam pm narendra modi over taukte cyclone help)

"गुजरातला तौक्ते वादळाने तडाखा दिल्यानंतर १ हजार कोटी रुपयांची मदत केली. पंचनामा वैगेरे काही केला नाही. पण आम्हाला फुटी कवडी दिली नाही. पंतप्रधानही आले नाहीत" अशी टीका वडेट्टीवार यांनी केली. "पंतप्रधानांनी देशात सगळ्या ठिकाणी जावं. तुम्ही कोकणातही येऊन पाहणी करा, आणि तातडीने महाराष्ट्राला मदत करा" असे वडेट्टीवार म्हणाले.

"आम्ही वादळग्रस्तांना २५२ कोटींचं पॅकेज जाहीर केलं आहे. एनडीआरआफच्या निकषानुसार, ७२ कोटी नुकसानीचा आकडा आहे. आम्ही १८० कोटी अधिकचे देत आहोत. मंत्रिमंडळाने मंजुरी दिली आहे. लवकरच मदत वाटप सुरु होईल" असे विजय वडेट्टीवार यांनी सांगितले.