मुंबई - वर्षानुवर्षे दुर्लक्षित राहिलेल्या विक्रोळी, नाहूर आणि विद्याविहार या रेल्वे स्थानकांचा विकास करण्यात येणार आहे. रेल्वे स्थानक येथील पुलांच्या गर्डरची कामे मार्गी लावली जात आहेत. विकास कामे झपाट्याने कामे सुरू आहेत अशी माहिती ईशान्य मुंबईची खासदार मनोज कोटक यांनी दिली.

मुंबईत आणि विशेषतः ईशान्य मुंबईत अनेक विकास कामे मार्गी लावली असून काही कामे प्रगतीपथावर आहेत, तर काही कामे अंतिम टप्पात सुरू आहेत. ईशान्य मुंबईचा संपूर्ण कायापालट करून नागरिकांना आपण प्रयत्नशील आहोत, अशी माहिती खासदार कोटक यांनी दिली आहे. खासदार कोटक यांनी ईशान्य मुंबईतील नागरी सुविधांची माहिती देण्यासाठी एका पत्रकार परिषदेचे आयोजन केले होते.

एलबीएस रोड, गोळीबार रोड, अंधेरी, घाटकोपर लिंक रोड आदी कामे मार्गी लावण्यात येत आहेत. तसेच, विक्रोळी, नाहूर आणि विद्याविहार रेल्वे स्थानक येथील पुलांच्या गर्डरची कामे मार्गी लावली जात आहेत. विद्याविहार रेल्वे स्थानक येथे १०० मिटर लांब व एक हजार मेट्रिक टन वजन गर्डरचे काम यशस्वीपणे पार पडले, अशी माहिती खासदार कोटक यांनी यावेळी दिली.

उपनगरीय रेल्वे स्थानकात प्रवाशांसाठी एस्केलेटर सुविधा आणि अन्य सेवासुविधा उपलब्ध करून रेल्वे स्थानकांचा विकास करण्यात येत आहे, ईशान्य मुंबई लोकसभा मतदारसंघातील विविध समस्या केंद्र, राज्य सरकार व मुंबई महापालिका यांच्या माध्यातून सोडवून नागरिकांना दिलासा देण्यासाठी गेल्या चार वर्षांपासून रस्ते, पूल, कचरा विल्हेवाट, शौचालये आदी विकासकामे करीत आहोत.

पंतप्रधान नरेंद्र मोदी यांच्या नेतृत्वाखालील सेवा, सुशासन व गरीबांचे सरकार म्हणून महिला, बेरोजगार, शेतकरी, विद्यार्थी आदिसाठी राबविलेल्या विविध योजना, रस्ते, पूल आदींची उभारणी, महिलांसाठी रोजगार, उज्वला गॅस योजना, मोफत अन्न धान्य आदींबाबतची माहिती खासदार कोटक यांनी माहिती दिली.