नालासोपारा : विरार पूर्व (virar) नारंगी खाडी येथे बोटीवर वाढदिसाची पार्टी (birthday party) साजरी करताना, सेल्फी काढण्याच्या (selfie) नादात, बोट उलटून (boat collapse) एकाचा पाण्यात बुडून मृत्यू (death) तर इतर सर्वजण सुखरूप असल्याची घटना रविवार ता 08 रोजी घडली आहे. याबाबत अर्नाळा (arnala police station) सागरी पोलीस ठाण्यात अकस्मात मृत्यूची नोंद करण्यात आली आहे.

शशिकांत गोविंद गुरव (वय 54) असे बुडून मृत्यू झालेल्या व्यक्तीचे नाव आहे. हे आपल्या मित्राचा वाढदिवस साजरा करण्यासाठी 10 ते 12 मित्रांसह विरार पूर्व नारंगी खाडीत बोटीवर रविवारी वाढदिवसाची पार्टी साजरी करण्यासाठी गेले होते. रेतीसाठी वापरल्या जाणाऱ्या नांगरलेल्या बोटीवर त्यांनी ही पार्टी बोटीत ठेवली होती. पार्टी सुरु असताना सेल्फी काढण्यासाठी गुरव आणि त्यांचे मित्र बोटीच्या एका दिशेला गेले असता बोट अचानक पलटी झाली. आणि बोटीतील सर्वजण खाडीच्या पाण्यात पडले होते.

पण गुरव यांना पोहता येत नसल्याने ते पाण्यात बुडाले. यावेळी त्यांनी मदतीसाठी आरडओरड केली तेव्हा सोबतच्या सहकार्या सह अन्य गावकरी यांनी तात्काळ त्यांना पाण्यातून बाहेर काडून, दवाखान्यात उपचारासाठी दाखल केले पण उपचारा दरम्यान त्यांचा मृत्यू झाला आहे. नारंगी खाडीत नांगरलेल्या बोटीत वाढदिवसाची पार्टी करताना बोट उलटून एकाचा मृत्यू झाला आहे. या पार्टीची त्यांनी कोणतीही परवानगी घेतली नव्हती. या संदर्भात प्राथमिक अकस्मात मृत्यूची नोंद करून आम्ही तपास करीत आहोत असे अर्नाळा सागरी पोलीस ठाण्याचे वरिष्ठ पोलीस निरीक्षक राजू माने यांनी सांगितले आहे.