मुंबई : लॉकडाऊनच्या काळात खंडाळा ते महाबळेश्वर प्रवास करणाऱ्या वाधवा बंधूंना अखेर केंद्रीय अन्वेषण विभागाने (सीबीआय) ताब्यात घेतले. गृह विभागाचे प्रधान सचिव (विशेष) अमिताभ गुप्ता यांनी वाधवा यांना दिलेल्या पत्राबाबत अतिरिक्त मुख्य सचिव मनोज सौनिक यांच्याकडून चौकशीचा अहवाल सोमवारी मिळण्याची शक्यता आहे, अशी माहिती गृहमंत्री अनिल देशमुख यांनी दिली.

नक्की वाचा :  कौतुकास्पद ! धकधकता वणवा विझवण्यासाठी दोन तरुणांचं धाडस, वाचा चित्तथरारक अनुभव

कोरोना महामारीमुळे संपूर्ण देशात लॉकडाऊन असतानाही महाराष्ट्रात वाधवा कुटुंबीयांना खंडाळ्याहून महाबळेश्वरला जाण्याची परवानगी देण्यात आली होती. वाधवा कुटुंबातील 24 जणांनी पाच गाड्यांमधून प्रवास केला होता. संबंधित व्यक्ती आपले आपले मित्र आहेत. त्यांना आपत्कालीन स्थितीत खंडाळ्याहून महाबळेश्वरला जाण्याची परवानगी दिल्याचे पत्र प्रधान सचिव अभिताभ गुप्ता यांनी दिले होते. 
लॉकडाऊनच्या काळातील आदेश तोडल्यानंतर वाधवा कुटुंबीयांना क्वारंटाईन करण्यात आले होते. हे 14 दिवस संपल्यानंतर धीरज व कपिल वाधवा यांना सीबीआयच्या ताब्यात देण्यात आले आहे. सातारा पोलिसांच्या मदतीने त्यांना मुंबईत आणण्याची कार्यवाही सुरू असल्याचे देशमुख यांनी सांगितले

हे ही वाचा : काय सांगता ! 'सिगारेट' ओढल्याने कोरोनाचा धोका कमी? वाचा कोणी केलाय हा दावा

चौकशी अहवाल आज? 
सरकारी लेटरहेडवर शिफारसपत्र देणारे गृह विभागाचे प्रधान सचिव (विशेष) अमिताभ गुप्ता यांची चौकशी करण्याचा आदेश गृहमंत्री अनिल देशमुख यांनी दिला आहे. मुख्यमंत्र्यांसोबत चर्चा केल्यानंतर चौकशी सुरू असेपर्यंत गुप्ता यांना सक्तीच्या रजेवर पाठवण्यात आले आहे. चौकशीचा अहवाल सोमवारी मिळण्याची अपेक्षा आहे.
 

Wadhwan brothers traveling from Khandala to Mahabaleshwar in CBI custody