कल्याण : उल्हास नदी काठी असलेल्या मोहिली येथील केडीएमसीच्या जलशुद्धीकरण केंद्रात नदीचे पाणी शिरल्याने पाणी पुरवठा बंद केल्याने कल्याण पूर्व आणि कल्याण पश्चिम च्या काही भागात पाणी पुरवठाला फटका बसला असून नागरिकांनी पाणी जपून वापरण्याचे आवाहन केले आहे . बारवी धरण पाणलोट क्षेत्रामध्ये मुसळधार पाऊस पडत असल्याने उल्हास नदी पात्रातील पाण्याच्या पातळीत वाढ झाली असून मोहिली येथील असलेल्या केडीएमसीचे जलशुद्धीकरण केंद्रात नदीचे पाणी शिरल्याने जलशुद्धीकरण केंद्रातून होणारा पाणी पुरवठा बंद करण्यात आला.

कल्याण पूर्व वालधुनी अशोक नगर परिसर आणि कल्याण पश्चिम मधील घोलपनगर , योगिधाम , मुरबाड रोड , रामबाग लेन 1 ते 6 , चिकन घर , सिंधिगेट , फॉरेस्ट कॉलनी , मिलिंद नगर , सह्यादी नगर , बिर्ला कॉलेज रोड ,भोईर वाड़ी , खडक पाडा सर्कल ,इंदिरा नगर , संतोषी माता रोड आदी परिसर मध्ये पाणी पुरवठा बंद करण्यात आला असून नागरिकांनी पाणी जपून वापरावे आणि पाणी पुरवठा सुरू झाल्या नंतर काही काळ गढूळ पाणी पुरवठा होण्याचा संभव असल्याने पाणी गाळून व उकळून पिण्याचे आवाहन केडीएमसी पाणी पुरवठा विभागाने केला आहे .