पालघर : महाराष्ट्र वीज महावितरण विभागाच्या कर्मचाऱ्यांनी (MSEB Employee) पालघरमध्येही केंद्र व राज्य सरकारच्या (central and state government) विद्युत औद्योगिक खासगीकरण कायदा रद्द करा, या प्रमुख मागणीसाठी कार्यालयाच्या प्रवेशद्वाराजवळ आजपासून काम बंद आंदोलनाला (strike) सुरुवात केली आहे. केंद्र आणि राज्य सरकारविरोधात घोषणा देण्यात आल्या.

मेस्मा लावून आमची गळचेपी करण्याचा प्रयत्न सरकार करत आहे; मात्र आम्ही मागण्यांवर ठाम आहोत. मेस्मापेक्षा आम्हाला तुरुंगांमध्येच टाका, पण खासगीकरण आम्ही करू देणार नाही, असा इशारा आंदोलनकर्त्यांनी सरकारला दिला. आमच्या मागण्या मान्य होईपर्यंत हे आंदोलन सुरूच राहणार असल्याचा इशाराही आंदोलनकर्त्या कर्मचाऱ्यांकडून देण्यात आला.

वीज कंपन्यांचे खासगीकरण थांबवा, ही आमची प्रमुख मागणी आहे. त्यामुळे आम्ही विद्युत ग्राहकाला वेठीस धरणार नाही. सध्या परीक्षा सुरू असल्यामुळे पुरवठा बंद पडल्यास आम्ही सहकार्य करणार आहोत.
- लक्ष्मण राठोड, अध्यक्ष, संघर्ष समिती, महावितरण