मुंबई : ईशान्य भारताला अनेक आव्हानांचा सामना करावा लागतो आहे. तसेच, हा प्रदेश चीन, म्यानमार, नेपाळ, भूतान, बांग्लादेश यांना लागून असल्याने तेथील सुरक्षेबाबत अत्यंत दक्ष राहण्याची गरज आहे, असे निवृत्त ब्रिगेडिअर हेमंत महाजन यांनी येथे सांगितले. स्वातंत्र्यवीर सावरकर राष्ट्रीय स्मारकाच्या स्ट्रॅटेजिक सेंटरच्यावतीने आयोजित ‘ईशान्य भारतात सुरक्षेची आव्हानं’ या विषयावरील ऑनलाईन व्याख्यानमालेत ते बोलता होते. 

मुंबईतील लोकल सेवा कधी सुरु होणार? यावर राजेश टोपे म्हणतात, नागरिकांची मागणी रास्त...

ईशान्य भारतात बोडो, उल्फा, नक्षलवादी, माओवादी तसेच अन्य बंडखोर आणि दहशतवादी संघटनांचा उपद्रव अधिक असला तरी भारतीय जवान त्यांच्यावर कारवाई करत आहेत. त्याची चर्चा प्रसारमाध्यमात होत नसल्यामुळे नागरिकांना त्या कारवाईची माहिती मिळत नाही. या बंडखोर संघटना जवळपास संपत आल्या असून त्याचे श्रेय लष्कराच्या कारवाईला जाते. बंडखोरांना देशातील काही विचारवंत सहकार्य करत असले तर त्यांनादेखील वेळीच रोखले पाहिजे, असेही त्यांनी सांगितले. म्यानमार आणि नेपाळमधून येथे अंमली पदार्थ, बनावट नोटा यांची तस्करी होते. स्मगलिंगच्या माध्यमातून अर्थव्यवस्थेला मोठा हादरा देण्याचा उद्देश असतो. हेदेखील थेट नसले तरी छुपे युद्ध आहे, त्या आव्हानांनादेखील आपण तोंड दिले पाहिजे, असेही महाजन म्हणाले.

-------------------------------

संपादन - तुषार सोनवणे