विरार - देशाला स्वातंत्र मिळून ७४ वर्ष झाली. परंतु यावर्षी कोरोनामुळे शाळा बंद असल्याने झेंडा वंदन कसे करायचे हा प्रश्न विरार जवळील नंदाखालजवळील उमराळा वाडीत राहणाऱ्या आणि सेंट  जोसेफ शाळेच्या विद्यार्थ्यांना पडला होता. परंतु त्यांना आगळावेगळा झेंडा वंदन करून एक वेगळा आदर्श समाजासमोर ठेवला. 

अडथळा दूर ! धारावी, सायनमधील विद्यार्थी 'टॅब'वर गिरवणार शिक्षणाचे धडे

विरार जवळील नंदाखाल येथील उमराळा वाडीत राहणारी मुले सेंट जोसेफ शाळेत जात होती. परंतु सध्या शाळा बंद असल्याने विद्यार्थी झेंडा वंदनाच्या कार्यक्रमाला जाऊ शकली नाही. त्यामुळे चिमुकल्यांनी अनोखा मार्ग काढला. त्यांच्याकडे झेंडा नसल्याने त्यांनी कागदाचा तिरंगा बनवून तो काठीला चिटकवला आणि वाडीत हा झेंडा उभा केला. शाळा बंद असल्या तरी त्यांनी शाळेचा ड्रेस घालून  तिरंग्याला  सलामी दिली. ध्वजवंदन करून जन गन मन हे राष्ट्रगीत आणि झेंडा उंचा रहे हमारा तसेच भारताची प्रतिज्ञा म्हटली

ही चारही भावंड  आदिवासी वारली समाजाची आहेत.  प्रियांका अनिल वाघ, अनुष्का अनिल वाघ, जतीन अनिल वाघ अशी त्यांची नवे असून त्यांचे शाळेतर्फे आणि नागरिकांकडून कौतुक करण्यात येत आहे.

---------------------------------------------------------

( संपादन - तुषार सोनवणे )