मुंबई : तुरुंगात बंदिस्त असलेल्या कैद्यांच्या मानवी अधिकारांचे उल्लंघन होत असल्याच्या आरोपांबाबत खुलासा करण्याचे निर्देश मुंबई उच्च न्यायालयाने दिले आहेत. कोरोनाबाधित कैद्यांना पुरेशी सुरक्षा पुरवली जात नाही, अशी याचिका न्यायालयात करण्यात आली आहे.
पीपल्स युनियन फोर सिव्हिल लिबर्टी या सामाजिक संस्थेच्यावतीने ही जनहित याचिका केली आहे. या शिवाय अॅड. सतीश तळेकर आणि अॅड. माधवी अय्यपन यांनी ही कैद्यांच्या सुरक्षेसाठी याचिका दाखल केली. राज्यातील कारागृहात कोरोनाचा शिरकाव झाला असून शेकडो कैदी बाधित आहेत; मात्र त्यांना पुरेशी सुरक्षाव्यवस्था, औषधे, रुग्णालय पुरवली जात नाही, असा आरोप याचिकेत केला आहे. याबाबत नुकतीच न्यायालयात व्हिडिओ कॉन्फरन्सिंगद्वारे सुनावणी झाली. याचिकेत उपस्थित मुद्यांवर प्रतिज्ञापत्र दाखल करण्याचे निर्देश न्यायालयाने दिले.
कैद्यांची आकडेवारीसह तपशीलवार माहिती दाखल करण्याचे निर्देश न्यायालयाने दिले. आर्थर रोड कारागृहात सुमारे 77 कैदी आणि 26 कर्मचारी कोरोनाबाधित झाले आहेत, अशी माहिती सरकारच्यावतीने न्यायालयात देण्यात आली.
तातडीने उपाययोजनांची गरज
ही परिस्थिती गंभीर आहे आणि सरकारने तातडीने यावर उपाय योजना करायला हवी. जर शंभरहून अधिक लोक बाधित असतील तर त्यांना योग्य ते उपचार द्यायला हवे आणि जे बाधित नाही त्यांना ही सुरक्षित ठेवायला हवे, असे मत न्यायालयाने यापूर्वी व्यक्त केले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.