मुंबई: राष्ट्रवादी काँग्रेसचे नेते (Ncp) नवाब मलिक (Nawab malik) यांनी आज देवेंद्र फडणवीस (Devendra fadnavis) यांचे अंडरवर्ल्डशी संबंध असल्याचा आरोप करताना रियाज भाटीचे नाव घेतले. हा रियाज भाटी कोण आहे? तो पंतप्रधान मोदींपर्यंत (Modi) कसा पोहोचला? असे अनेक प्रश्न नवाब मलिक यांनी उपस्थित केले आहेत.

हा रियाज भाटी कोण आहे ते जाणून घेऊया?

रियाज भाटी हा गँगस्टर छोटा शकीलचा अत्यंत खास व्यक्तींपैकी असून 2006 मध्ये कमी दरात जागा मिळवण्यासाठी शकीलची मोठ्याप्रमाणात मदत घेतली. त्यावेळी हे प्रकण बाहेर आल्यानंतर भाटीवर मोक्‍का अंतर्गत गुन्हा दाखल करण्यात आला होता. तसेच 2010 मध्ये अंधेरीतील जमिनीच्या विकासातून उद्भवलेल्या वादातून भाटी व त्याच्या साथीदाराने विकासकाला बंदुकीचा धाक दाखवून धमकावले होते. त्यावेळी भाटी विरोधात गुन्हा दाखल झाला होता. याशिवाय ठाण्यातही त्याच्याविरोधात गुन्हे दाखल आहेत.

भाटी पूर्वी छोटा राजनसाठी काम करायचा. राजनवर इंडोनेशियात झालेल्या गोळीबारानंतर भाटी त्याला भेटण्यासाठी तेथे निघाला होता.त्यावेळी त्याच्याकडे दोन पारपत्र असल्याचे निष्पन्न झाल्यामुळे त्याला अटक झाली होती. त्यानंतर तो छोटा शकीलचा जवळचा झाला. खंडाळा गोळीबार, मालाडमधील जमीन प्रकरणातही त्याचे नाव पुढे आले होते.

रियाज भाटी मुंबईत दाऊदचा हवालाचा सर्व कारोबार सांभाळायचा. तो व्यवसायानं बिल्डर आहे. पहिले त्याचं नाव २००७ आणि २००८मध्ये खंडाळ्यात झालेला गोळीबार, २००९मध्ये मालाडमध्ये जबरदस्तीनं जमीन काबिज करण्याच्या प्रकरणात आलेलं होतं.

रियाजकडून दोन बनावट पासपोर्ट जप्त केले गेले. यातील एक पासपोर्ट G3128659 जयपूरहून २००७मध्ये फूलजी भाटी या नावानं इशू झालंय. तर दुसरं २०१३मध्ये Z2479378 रियाजच्या नावानं आहे. पहिल्या पासपोर्टवर भाटीची जन्म तारीख १२ जून १९६८ आहे तर दुसऱ्या पासपोर्टवर तारीख फेब्रुवारी १९६२ आहे.

नुकतीच रियाजचं नाव गोरेगाव येथील बांधकाम व्यावसायिक विमल अग्रवाल यांच्या तक्रारीतून समोर आलं आहे. या गुन्ह्यात परमबीर सिंह, सचिन वाझे यांच्यासह सुमित सिंह उर्फ चिंटू, अल्पेश पटेल, विनय सिंह ऊर्फ बबलू आणि रियाज भाटी यांच्याविरोधात खंडणीचा गुन्हा दाखल करण्यात आला आहे. रियाज सध्या फरार असून गुन्हे शाखेने दिलेल्या माहितीनुसार न्यायालयाने त्यांच्या विरोधात NBW नाँन बेलेबल वारंट जारी