पाली : वाकण-पाली-खोपोली राज्य महामार्गाच्या रुंदीकरणाचे काम करणाऱ्या ठेकेदारांची बिले मागील 6 महिन्यांपासून थकीत आहेत. त्यामुळे आक्रमक झालेल्या ठेकेदारांनी बेग कन्स्ट्रक्शन कंपनीच्या गेटसमोर सोमवार (ता. 26) पासून साखळी उपोषणाला सुरुवात केली आहे. थकीत बिलांचे पैसे मिळत नाहीत, तोपर्यंत उपोषण आणि काम बंद राहणार असल्याचे ठेकेदार संघटनेच्या पदाधिकाऱ्यांनी सांगितले. तसेच पैसे न मिळाल्यास आत्मदहन करणार असल्याचा इशारा ठेकेदार संघटनेचे अध्यक्ष नितीन वाघमारे यांनी दिला आहे.
हे वाचा : मांडव्यातील मच्छीमारांचे प्रश्न सुटणार
ठेकेदारांनी याअगोदर काही दिवसांपूर्वी थकीत बिलांसाठी आंदोलन करून काम बंद केले होते; तर मागील आठवड्यात बेग कन्स्ट्रक्शन कंपनीच्या कर्मचाऱ्यांनी 6 महिन्यांचा थकीत पगार मिळण्यासाठी काम बंद करून पाली तहसील कार्यालयासमोर ठिय्या आंदोलन केले होते. अशा प्रकारे या मार्गाचे काम विविध कारणांमुळे ठप्प होऊन अपूर्ण राहत आहे. तसेच खराब रस्त्यामुळे वाहनचालक व प्रवासीदेखील हैराण झाले आहेत.
कंपनीने बिलांची फक्त 25 टक्के रक्कम दिली आहे. पूर्ण रक्कम न दिल्याने ठेकेदारांना बॅंकेकडून घेतलेले कर्ज फेडता येत नाही. तसेच इन्कम टॅक्स, जीएसटी, कामगारांचे पगार, पीएफ व इतर सरकारी देयके देता येत नाहीत. ठेकेदारांवर उपासमारीची वेळ आलेली आहे. याबरोबरच संबंधित लोक ठेकेदारांकडे वसुलीकरिता वारंवार तगादा लावत असल्यामुळे मानसिक त्रास होत आहे.
- मनीष खवळे, सचिव, वाकण-पाली-खोपोली ठेकेदार संघटना
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.