मुंबई : कोकण पदवीधर मतदारसंघात भाजपा कडून निरंजन डावखरे आणि काँग्रेस कडून रमेश कीर ह्यांनी अर्ज दाखल केला आहे. मनसे कडून अभिजीत पानसे यांनी माघार घेतली असून, आता उद्धव ठाकरेंनी किशोर जैन ह्यांना उमेदवारी जाहीर केल्याने ही निवडणूक रंगतदार होणार अशी चिन्हं आहेत.

रायगडमधील नागोठण्याचे किशोर जैन ह्यांच्या शिक्षणसंस्था असून ते व्यावसायिक आहेत, ते ठाकरे कुटूंबियांचे एकनिष्ठ म्हणून ओळखले जातात. रायगड जिल्हा परीषद सदस्य असलेले जैन हे आता पाच जिल्ह्यांत पसरलेल्या कोकण पदवीधर मतदारसंघाच्या लढाईत उतरले असून आज (ता. ७ ) ला त्यांनी कोकण भवन, बेलापूर येथे आपला अर्ज दाखल केला.