मुंबई ः मुख्यमंत्री उद्धव ठाकरे यांचा मोर्फ फोटो ट्वीटरवर शेअर करून बदनामी केल्याप्रकरणी सायबर पोलिसांनी 38 वर्षीय महिलेला अटक केली. या पोस्टमध्ये पर्यावरण मंत्री आदित्य ठाकरे यांच्याबद्दलही टिप्पणी करून बदनामी केल्याचा आरोप करण्यात आला आहे.
सुनैना होलेय(38) असे अटक करण्यात आलेल्या महिलेचे नाव असून वयक्तीक जात मुचलक्यावर या महिलेची सुटका करण्यात आल्याचे अधिकाऱ्याने सांगितले. तक्रारदार धर्मेश मिश्रा यांच्या तक्रारीवरून सायबर पोलिसांनी याप्रकरणी भादंवि कलम 505(2), 500, 501, 504, 153 अ अंतर्गत गुन्हा दाखल करण्यात आला आहे. आरोपी महिलेने केलेल्या ट्वीवर उद्धव ठाकरे यांचा फोटो मॉर्फ करून त्यांना मौलवी दाखवले होते. तसेच त्याच्या खाली बदनामी कारक मजकूर लिहिण्यात आला होता.
या ट्वीटर अकाउंटवर पर्यावरण मंत्री आदित्य ठाकरे यांचाही बदनामीकारक उल्लेख करण्यात आला आहे. या महिलेने ट्वीटर अकाउंटवरून 25 जुलै, 28 जुलै आक्षेपार्ह पोस्ट केल्याचा आरोप केले आहेत. तक्रारीनुसार या महिलेने जातीय तेढ निर्माण केल्याचा आरोपही करण्यात आला आहे. महिला कुठल्या राजकीय पक्षाच्या आयटी सेलशी संबंधित आहे का? हा तपासाचा भाग असल्याचे एका अधिकाऱ्याने सांगितले.
------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.