अनेक वेळा आपल्याला वर्दीतील माणुसकी पाहायला मिळते. आपल्याला सतत याचा अनुभव येत असतो. अशीच एक घटना समोर आली आहे. यावेळी पुन्हा एकदा वर्दीतील माणुसकी दिसून आली आहे.

बुधवारी (ता 16) रोजी रात्रीच्या वेळी एक ६२ वर्षीय महिला रुग्णालयात आपल्या पतीला भेटण्यासाठी जात होती. घाईगडबडीत रस्ता ओलांडत असताना या महिलेला लोकमान्य टिळक रोड येथे एका दुचाकीने धडक दिली. या अपघातात त्या जखमी झाल्या.

त्याचवेळी लोकमान्य टिळक रोड येथे कर्तव्यावर असणारे लोकमान्य टिळक रोड मार्ग पोलीस ठाण्याचे पोलीस शिपाई संदीप वाकचौरे यांनी रुग्णवाहिकेची वाट न पाहता तात्काळ जखमी महिलेस हातात उचलून धावत जवळच असलेल्या जी. टी. रुग्णालयात दाखल केले.

त्यांच्या या सतर्कतेचे सर्व स्तरातून कौतुक होत आहे. यासंबधीचे ट्विट मुंबई पोलीसांच्या ट्विटर अकाऊंटवरून शेअर करण्यात आले आहे. यामध्ये त्यांनी संदीप वाकचौरे यांनी त्या महिलेला उचलून ते रुग्णालयाकडे धावताना दिसत आहेत. प्रत्येकाने अशी सतर्कता दाखवणे गरजेचे असल्याचे मुंबई पोलीसांनी म्हटले आहे.