Thane News: जुन्या भांडणाच्या रागातून महिला आणि तिच्या १४ वर्षीय मुलावर लोखंडी पाईपने हल्ला केल्याची घटना शनिवारी संध्याकाळी कोकणीपाडा येथे घडली. यामध्ये दुर्गा कुंटे (वय ४०) यांचा मृत्यू झाला असून मुलगा गंभीर जखमी आहे. याप्रकरणी चितळसर पोलिस ठाण्यात आरोपी संजू लोखंडे विरोधात हत्येचा गुन्हा दाखल करण्यात आला आहे.

शुक्रवारी (ता. २७) झालेल्या भांडणाचा राग मनात धरून दुर्गा अनिल कुंटे यांच्यावर आरोपीने लोखंडी पाईपने हल्ला केला. या हल्ल्यात दुर्गा यांच्या डोक्यावर, चेहऱ्यावर पाईपचे प्रहार झाल्याने त्यांचा मृत्यू झाला. तसेच त्यांच्या मुलाच्या डोक्यात लोखंडी पाईपने हल्ला करण्यात आला. याप्रकरणी चितळसर पोलिस अधिक तपास करीत आहेत. (Latest Marathi News)