मुंबई: मुंबईत एक भयंकर गुन्हा (crime) उघडकीस आला आहे. विवाहबाह्य संबंधांतून एका २८ वर्षीय महिलेने प्रियकराच्या मदतीने पतीची हत्या (murder) केली व घरातील किचनमध्ये (home kitchen) मृतदेह पुरला. मुंबईच्या पश्चिम उपनगरात दहीसरमध्ये (dahisar) ही धक्कादायक घटना घडली आहे. (Woman Kills Husband With Lovers Help & Buries Body in kitchen at dahisar)

रशीदा शेख असे आरोपी महिलेचे नाव आहे. तिला पोलिसांनी अटक केली आहे. तिचा प्रियकर अमित मिश्रा फरार आहे. पोलीस त्याचा शोध घेत आहेत, असे अधिकाऱ्याने सांगितले. हत्येची ही घटना १२ दिवसांपूर्वी घडली. आरोपींनी धारदार हत्याराने मुलांसमोरच पती रईस शेखचा गळा चिरला, असे अधिकाऱ्याने सांगितले.

रशीदा आणि अमितने रईसची हत्या केल्यानंतर किचनमध्ये मृतदेह पुरला व नेहमीसारखं जगणं सुरु केलं. रईस एका कपड्यांच्या दुकानात कामाला होता. २५ मे रोजी रईसच्या शेजाऱ्याने तो बेपत्ता असल्याची तक्रार नोंदवली. कारण आठवड्याभरापासून त्याने रईसला पाहिले नव्हते.

रईसचा भाऊ त्याच्या घरी आला. त्यावेळी पुतण्यांनी काकाला घडला प्रकार सांगितला व हा भयंकर गुन्हा उघडकीस आला. पोलीस सध्या किचनमध्ये दफन केलेला मृतदेह मिळवण्याचा प्रयत्न करत आहेत.