वसईतील वाकीपाडा परिसरातील कॉस पावर कंपनीत बुधवारी दुपारच्या सुमारास भीषण स्फोट झाला. मिळालेल्या माहिती नुसार बॉयलरचा स्फोट झाला असल्याचे सांगितले जात आहे. या स्फोटात तीन कामगार मृत्यू झाला आहे. तर सात कामगार जखमी झाले आहे. या घटनेनंतर अग्निशमन दलाचे जवान घटनास्थळी पोहोचले आहेत.

वाकीपाडा येथील कंपनीत स्फोट झाल्यानंतर परिसरात भितीचे वातावरण झाले आहे. स्फोटानंतर मोठमोठे धुराचे लोळ बाहेर पडताणा दिसत होते. स्फोटानंतर तातडीने पोलीस आणि अग्निशमन दल घटना स्थळी दाखल झाले होते. अग्निशमन दलाच्या जवानांकडून आगीवर नियंत्रण मिळवण्याचे शर्थीने प्रयत्न सुरु होते. पण या दुर्घटनेत तीन कामगारांचा दुर्देवी मृत्यू झाला. या दुर्घटनेत जखमी झालेल्या कामगारांना रुग्णालयात दाखल करण्यात आलं आहे. त्यांच्यावर रुग्णालयात उपचार सुरु आहेत. पोलीस या प्रकरणी सखोल चौकशी करत आहेत.