मुंबई : येस बँक- डीएचएफएल मनी लाँडरिंग प्रकरणात (Yes Bank- DHFL money laundering case) सीबीआयने (CBI) मुंबईस्थित विकासक संजय छाब्रिया यांना अटक केली आहे. शुक्रवारी त्यांना विशेष कोर्टापुढे हजर करण्यात येणार असल्याची माहिती सीबीआय अधिकाऱ्यांनी दिली आहे.

रेडियस डेव्हलपर ही बांधकाम कंपनी छाब्रिया यांच्या मालकीची आहे. सीबीआय अनेक दिवसापासून संजय छाब्रिया यांच्या मागावर होती. फेब्रुवारी महिन्यात सीबीआयने छाब्रिया यांच्या सहा ठिकाणी छापे घातले होते.छाब्रिया यांची कंपनीन डीएचएफएलची सर्वात मोठी थकबाकीदार आहे. कंपनीला डीएचएफएलचे 3 हजार कोटीचे देणे बाकी आहे.सीबीआयने 2020 मध्ये यस बँक घोटाळा प्रकरणी यस बँकेचे संस्थापक राणा कपूर आणि डीएचएफएलचे वाधवान यांच्याविरुद्ध गुन्हा दाखल केला होता.