मुंबई : प्राण्यांपासून मानवांना अनेक संसर्गजन्य आजारांची (Infectious disease) लागण होते. अशा प्रकारच्या संसर्गजन्य आजारांना तोंड देण्यासाठी तसेच त्याबाबत संशोधन करण्यासाठी परळच्या पशुवैद्यकीय महाविद्यालयात (Animal Medical college) ‘सेंटर फॉर एक्सलन्स झुनोसिस अॅडव्हान्स रिसर्च सेंटर्स’ची (zoonosis advance research center) स्थापना करण्यात आली आहे. बुधवारी (ता. १६) उपमुख्यमंत्री अजित पवार (Ajit Pawar) यांच्या हस्ते अनावरण होणार आहे.

परळच्या पशुवैद्यकीय महाविद्यालयात जागतिक बँकेच्या मदतीने हे संशोधन केंद्र उभारण्यात आले आहे. त्यासाठी जागतिक बँकेकडून १८ कोटी रुपयांचा निधी मिळाल्याचे महाविद्यालयाचे सहायक प्राध्यापक डॉ. मनीष सावंत यांनी सांगितले. या संशोधन केंद्रात केवळ प्राण्यापासून माणसात आणि माणसातून प्राण्यांमध्ये पसरणाऱ्या विषाणूंवर संशोधन केले जाईल. तसेच प्राण्यांशी संबंधित मांस, अंडी, दूध आदी खाद्यपदार्थांवरही अधिष्ठाता डॉ. अजित रानडे यांच्या नेतृत्वात संशोधन केले जाणार आहे.