गुरांच्या तस्करीवर पाळत का ठेवता म्हणून सात तरुणांना जबरदस्त मारहाण करण्यात आली असून या पैकी एका तरुणाचा मृत्यू झाला आहे, तर सहा जण जखमी आहेत. याप्रकरणी पोलिसांनी तपास करून तीन संशयितांना ताब्यात घेतलं आहे.

मिळालेल्या माहितीनुसार, गुरांच्या तस्करीवर पाळत ठेवल्यावरून तरुणांना जबर मारहाण करण्यात आली होती, या मारहाणीत एका तरुणाचा मृत्यू झाला तर त्याच्या सोबतचे सहा तरुण जखमी झाले आहेत. नांदेड जिल्ह्यातील किनवट तालुक्यातील आपाराव पेठ या गावाजवळ ही घटना घडली. ही घटना जमजल्यावर पोलिसांनी कारवाई करत तीघांना ताब्यात घेतलं. हे तीनही संशयित व्यावसायाने खाटीक असल्याचं समोर आलं आहे.

रात्री उशीरा घडलेल्या या घटनेमुळे किनवट तालुक्यात तणावाचे वातावरण आहे. एबीपीमाझाने याबद्दलचे वृत्त दिले आहे.