नांदेड - जिल्ह्यात बुधवारी (ता. १८) सायंकाळी पाच वाजेपर्यंत प्राप्त झालेल्या अहवालात १३ अहवालांपैकी १३ निगेटिव्ह अहवाल प्राप्त झाले. एकही बाधित आढळला नसल्यामुळे नांदेड जिल्ह्यातील एकुण बाधितांची संख्या २८६वर स्थिरावली. २८६ पैकी आतापर्यंत १८० बाधित व्यक्ती बरे झाल्याने त्यांना रुग्णालयातून सुटी देण्यात आली आहे. उर्वरीत ९३ बाधित व्यक्तींवर तज्ज्ञ डॉक्टरांच्या निगराणीखाली औषधोपचार चालू आहेत.

औषधोपचार चालू असलेल्या तीन बाधितांमध्ये ५२ वर्षाची एक महिला आणि ५२ व ५४ वर्षांच्या दोन पुरुषांची प्रकृती गंभीर स्वरुपाची आहे. आतापर्यंत कोरोनामुळे मृत्यू पावलेल्या व्यक्तींची संख्या १३ झाली आहे.

हेही वाचा - ब्रेकींग : कोरोनाची पोलिस विभागात एन्ट्री, जिल्ह्यात एक पोलीस कोरोना बाधित

२३६ व्यक्तींचे स्वॅबची प्रतिक्षा
नांदेड जिल्ह्यात ९३ बाधित व्यक्तींपैकी विष्णुपुरीच्या डॉ. शंकरराव चव्हाण शासकीय वैद्यकीय महाविद्यालय येथे १६, पंजाब भवन कोविड केअर सेंटर येथे ५९, मुखेड उपजिल्हा रुग्णालय येथे १३ बाधित व्यक्ती उपचारासाठी दाखल असून पाच बाधित व्यक्ती औरंगाबाद येथे संदर्भित झाले आहेत. बुधवारी (ता. १७ जून) २३६ व्यक्तींचे स्वॅब तपासणीसाठी पाठविण्यात आले असून त्यांचा अहवाल उद्या गुरुवारी सायंकाळी पर्यंत प्राप्त होईल.

जिल्ह्याची कोरोनाविषयी संक्षीप्त माहिती 

• सर्वेक्षण - १ लाख ४५ हजार ५६८
• घेतलेले स्वॅब - ५ हजार ४५७
• निगेटिव्ह स्वॅब - ४ हजार ६४३
• आज पॉझिटिव्ह स्वॅब संख्या - निरंक
• एकुण पॉझिटिव्ह बाधित व्यक्ती - २८६
• स्वॅब तपासणी अनिर्णीत संख्या - २२०
• स्वॅब नाकारण्यात आलेली संख्या - ८६
• मृत्यू संख्या - १३
• रुग्णालयातून सुटी दिलेली संख्या - १८०
• रुग्णालयात उपचार घेत असलेले बाधित व्यक्ती - ९३
• स्वॅब तपासणी चालू व्यक्तींची संख्या - २३६ 

हेही वाचलेच पाहिजे - अडीच महिन्याचे वीजबिल येणार एकत्रित.....कसे असेल ते वाचा

अफवांवर विश्वास ठेवू नये 
कोरोनासंदर्भात जनतेने अफवांवर विश्वास ठेवू नये तसेच मनात कुठल्याही प्रकारची भीती न बाळगता अत्यावश्यक कामाशिवाय घराबाहेर पडू नये. तसेच सर्व जनतेने आपल्या मोबाईलवर ‘आरोग्य सेतू ॲप’ डाऊनलोड करुन घ्यावे जेणेकरुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल. प्रशासनास जनतेने सहकार्य करावे.
- डॉ. निळकंठ भोसीकर, जिल्हा शल्य चिकित्सक, नांदेड.