नांदेड : वाहतूक नियमानुसार, शहरातील ऑटोरिक्षांना मीटर रिडींगप्रमाणे भाडे आकारणी सक्तीचे करावे, अशी मागणी ग्राहक पंचायत महाराष्ट्र शाखा नांदेडच्या वतीने पोलिस अधीक्षक व प्रादेशिक परिवहन अधिकारी यांच्याकडे एका निवेदनाद्वारे करण्यात आली आहे.

शहराचा वाढता विस्तार पाहता सर्वसामान्य प्रवाशी, ज्येष्ठ नागरिक, दिव्यांग, महिला प्रवासी ग्राहकांना शहरात प्रवास करताना अडचणी निर्माण होत आहेत. ऑटोचालकांकडून प्रवाशांची अडवणूक करुन त्यांच्याकडून जास्तीचे भाडे वसूल केल्या जात आहेत. यामुळे ऑटो चालकांकडून प्रवाशांची आर्थिक लूट होत असल्याच्या तक्रारी होत आहेत.

हेही वाचा - खळबळजनक घटना - नांदेडला हॅकर्सनी मारला साडेचौदा कोटींवर डल्ला; पोलिसात तक्रार

ता. १८ जानेवारी २०२१ पासून वाहतूक सुरक्षा सप्ताह सुद्धा सुरु होत आहे. त्यात सर्वसामान्य प्रवासी ग्राहकांसाठी शहरातील ऑटोरिक्षा प्रवाशांसाठी, प्रवासभाडे आकारणी मीटरप्रमाणे करावी व प्रवास वाहतूक नियमानुसार सुरक्षित व सोयीचा व्हावा हीअपेक्षा ग्राहकांतूनव्यक्त होतआहे.या बाबत सर्वसामान्य ऑटो प्रवासी ग्राहकांना ऑटोरिक्षा प्रवासासाठी प्रवासभाडे आकारणी मीटरप्रमाणे करण्यात यावी, ज्यामुळे प्रवाशांची गैरसोय दूर करावी, अशी मागणी ग्राहक पंचायत महाराष्ट्र शाखा नांदेडच्या वतीने जिल्हा पोलिस अधिक्षक प्रमोद शेवाळे, प्रादेशिक परिवहन अधिकारी शैलेश कामत, उप प्रादेशिक परिवहन अधिकारी अविनाश राऊत यांच्याकडे निवेदनाद्वारे करण्यात आली आहे. यावेळी संघटनेचे जिल्हा अध्यक्ष अरविंद बिडवई, जिल्हा संघटक बालाजी लांडगे, महानगर अध्यक्ष रंगनाथ उंबरकर, रमाकांत घोणसीकर, प्रशांत वैद्य, पुरुषोत्तम जकाते, बालासाहेब पानसे, रमेश अहिर यांचा समावेश होता.

नांदेड जिल्ह्यातील महत्वाच्या बातम्या वाचा