निवघा बाजार : निराधार योजनेचे मिळालेले मानधन मला का देत नाही, या कारणावरून मुलाने जन्मदात्या वडिलांचा खून केल्याची घटना तळणी (ता. हदगाव) येथे सोमवारी (ता.२२) सांयकाळी घडली.
माधव दशरथ घंगाळे (वय ७०) हे तळणी येथे पिठाची गिरणी चालवून संसार चालवतात. माधव घंगाळे यांना अर्धांगवायू झाल्याने ते घरीच राहतात. त्यांना व त्यांच्या पत्नीला निराधार योजनेचे मानधन मिळाले होते. त्यांचा मुलगा संजय घंगाळे याला दारूचे व्यसन होते. निराधार योजनेतून मिळालेले पैसै दारू प्यायला द्या, म्हणत त्याने आई-वडिलांशी वाद घातला. रागाच्या भरात संजयने वडिलांना जबर मारहाण केली.
त्यात ते रक्ताच्या थारोळ्यात पडले. मारहाणीत आईसुद्धा गंभीर जखमी झाली. उपचारासाठी रुग्णालयात नेत असताना माधव घंगाळे यांचा वाटेतच मृत्यू झाला.त्यांच्या पत्नीवर नांदेड येथील शासकीय रुग्णालयात उपचार सुरू आहेत. संशयितास अटक केल्याची माहिती जमादार बालाजी सातपुते यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.