नांदेड : आपल्या नऊ वर्षाच्या बालिकेवर लैंगिक अत्याचार करणाऱ्या नराधम बापाला येथील विशेष न्यायाधीश एस. एस. खरात यांनी दोन दिवस म्हणजेच ता. १८ जूनपर्यंत पोलिस कोठडीत पाठवले आहे.

याबाबत अधिकची माहिती अशी की, ता. १६ जूनच्या पहाटे तीन वाजेच्या सुमारास आपल्या घरात नऊ वर्षाच्या बालिकेच्या ओरडण्याचा आवाज गाढ झोपच असलेल्या आईच्या कानी आला. ती खडबडून जागे झाली. ओरडणाऱ्या बालिकेला जवळ घेऊन घडलेला प्रकाराची माहिती घेतली. यावेळी रडत त्या बालिकेने घडलेला प्रकार सांगितल्याने आईलाही धक्का बसला. यानंतर तिने आपल्या पतीला विचारले की, आपल्या मुलीसोबत असे का केले. यावेळी त्यावेळी त्याने ही मुलगी माझी नाही. यावरुन दोघांत वाद झाला.

हेही वाचा - चाहत्यांनी व्यक्त केली नाराजी

या दाम्पत्याला चार मुली असून त्यापैकी एकीचे लग्न झालेले आहे. एक मामाकडे राहते आणि एक आजी-आजोबाकडे राहते. सगळ्यात शेवटची नऊ वर्षाची बालिका आई- वडिलांसोबत नांदेड ग्रामीण पोलिस ठाण्याच्या हद्दीत राहते. पिडीत बालिकेला सोबत घेऊन तिची आई सकाळीच वजिराबाद पोलिस ठाण्यात आली. परंतु घडलेली घटना ही नांदेड ग्रामिण पोलिस ठाण्याच्या हद्दीत घडल्याने पिडीत बालिकेसह तिच्या आईला पोलिस गाडीतून ग्रामिण पोलिस ठाण्यात पाठविले. तेथे सर्व हकिकत ऐकून घेतल्यानंतर नराधम बापाविरुद्ध विविध कलमान्वये गुन्हा दाखल करण्यात आला.

नांदेड ग्रामिण पोलिसांनी लगेच आरोपी असलेल्या बापाला अटक केली. पोलिस उपनिरीक्षक गणेश होळकर आंनी आपल्या काही सहकाऱ्यासोबत त्याला नांदेड न्यायालयात हजर केले. न्यायालयाने त्याला दोन दिवसाच्या पोलिस कोठडीत पाठविले आहे. तपास श्री. होळकर करत आहेत.