नांदेड : जिल्हा परिषदे अंतर्गत यंदाच्या सार्वजनिक बदल्यांची प्रक्रिया अखेर रद्द करण्यात आली आहे. राज्यातील अन्य जिल्हा परिषदांनी सावध पवित्रा घेत त्यांच्या स्तरावर बदल्यांना पुढे ढकलले होते. कोरोनाची साथ दिवसेंदिवस पसरत असताना स्थानिक जिल्हा परिषदेने १५ टक्के बदल्यांसाठी मुहूर्त काढला होता. परंतु त्यात बदल करण्यात आला असून जिल्हाधिकाऱ्यानेही विरोध दर्शविल्यानंतर अखेर बदल्या रद्द केल्या.
जिल्हा परिषदेने या वर्षी बदल्या न करण्याचा निर्णय घेतला आहे. परंतु कोरोना काळातही त्यांनी बदल्यांसाठीचे नियोजन करून ठेवले होते. अशांची यामुळे पंचायत झाली आहे. साथीचा उद्रेक लक्षात घेता राज्य सरकारने अगोदर बदल्यांना ब्रेक लावून ठेवला होता. पण नंतर पंधरा टक्के बदल्यांना हिरवी झेंडी दाखविण्यात आली. त्यानंतर ही प्रक्रिया हाताळण्यासाठी येत्या दहा ऑगस्टपर्यंत मुदत वाढवून देण्यात आली असली तरी राज्यातील अनेक जिल्ह्यात कोरोनाचे रुग्ण वाढत आहेत. त्यामुळे अनेक जिल्ह्याच्या जिल्हा परिषदेत स्थानिक परिस्थिती लक्षात घेऊन बदल्या करण्याचा निर्णय घेण्यात आला.
ता. २६ ते ३० जुलैचा कार्यक्रम जाहीर केला होता
यावेळी नांदेड जिल्हा कोरोना संक्रमित रुग्णांची संख्या दररोज वाढत असताना आणि शहराप्रमाणे जिल्ह्याच्या ग्रामीण भागातही पोहोचले. येथील जिल्हा परिषदेने बदल्या करण्याचा निर्णय घेतला. त्यासाठी ता. २६ ते ३० जुलैचा कार्यक्रम जाहीर केला होता. पण बदल्या या अत्यावश्यक प्रकारात मोडत नसतानाही त्यासाठी नांदेड जिल्हा परिषदेचे पदाधिकारी, अधिकारी प्रतिष्ठा पणाला का लावत आहेत अशी चर्चा जनतेमधून होऊ लागली होती. बदली प्रक्रियेत डोके खुपसून बसण्यापेक्षा जिल्हा परिषदेने कोरोना आटोक्यात आणण्यासाठी उपाययोजना कराव्यात अशी अपेक्षा व्यक्त केली गेली.
ऑफलाइन बदली मेळावाही अनेक प्रश्न निर्माण करणारा ठरला
त्यामुळे सर्वत्र ऑनलाइन प्रशासकीय प्रक्रिया पार पाडली जात असतानाच पाच दिवसात ऑफलाइन बदली मेळावाही अनेक प्रश्न निर्माण करणारी ठरली. बदल्या झाल्यानंतर जिल्हा परिषद पदाधिकाऱ्यांनी सावध पवित्रा घेऊन बदल्यांचे अधिकाऱ्यांच्या खांद्यावर लादले होते. जिल्हा परिषदेचे प्रभारी मुख्य कार्यकारी अधिकारी यांनी यासंबंधीचा आदेश काढल्याने जिल्हा परिषदेने आयोजित केलेल्या पाच दिवस ऑफलाईन मेळावाही बंद केल्याने बदलीसाठी अनेकांनी आपले देव पाण्यात ठेवले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.