नांदेड : विष्णुपूरी येथील शासकीय रुग्णालयात दाखल असलेल्या रुग्णांना भेटण्यासाठी का जाऊ दिले नाही म्हणून रुग्णालयात कार्यरत असलेल्या सुरक्षारक्षकाला मारहाण झाली होती. घटना घडल्यानंतर मारकरी फरार झाले होते. त्यापैकी दोघांसह अन्य तिन गुन्ह्यातील तिघांना स्थानिक गुन्हे शाखेच्या पथकाने अटक केली आहे.
 
पोलिस अधीक्षक विजयकुमार मगर यांनी स्थानिक गुन्हे शाखेचे पोलिस निरीक्षक द्वारकादास चिखलीकर यांना जिल्हा व शहरातील माली गुन्ह्यातीन फरार आरोपीना पकडण्याच्या सुचना दिल्या. यावरुन श्री. चिखलीकर यांनी आपल्या सहकारी अधिकाऱ्यांना सुचना दिल्या. यावरून सहाय्यक पोलिस निरीक्षक पांडूरंग भारती हे आपल्या सहकाऱ्यासंह शहरात गस्त घालत होते. 

हेही वाचा -  कोरोना ब्रेकिंग - नांदेडला पाच पॉझिटिव्ह, रुग्णसंख्या ३९६ वर

तलवार, हॉकी स्टिक, काठीने डोक्यात हातापायावर जबर मारहाण

शासकीय रुग्णालय विष्णुपुरी येथे दिवसभर आपले कर्तव्य बजावून घरी निघण्याच्या तयारीत असलेल्या सुरक्षा रक्षकास दोन दुचाकीवरून आलेल्या सहा अनोळखी व्यक्तींनी त्याला अडविले. काही करण्याच्या अगोदरच त्यांनी त्यांच्याकडे तलवार, हॉकी स्टिक, काठीने डोक्यात हातापायावर जबर मारहाण केली. यात तो सुरक्षा रक्षक गंभीर जखमी झाला. यानंतर मारेकरी पसार झाले. प्रकरणाचा गुन्हा नांदेड ग्रामीण पोलीस ठाण्यात दाखल करण्यात आला होता. 

दोघांना नंदीग्राम सोसायटी नांदेड येथून अटक 

पोलीस निरीक्षक प्रशांत देशपांडे यांच्या मार्गदर्शनाखाली तपास सुरू असतानाच स्थानिक गुन्हे शाखेचे सहाय्यक पोलीस निरीक्षक पांडुरंग भारती यांनी या हल्लेखोरांपैकी दोघांना नंदीग्राम सोसायटी नांदेड येथून अटक केली. विजय राक्षसे व अमितसिंग या दोघांना अटक केली. त्यांच्या अन्य साथीदारांनी सुरक्षारक्षकास मारहाण केली होती.

येथे क्लिक करा -  एकरकमी वीजबिल भरणाऱ्या ग्राहकांना दोन टक्के सवलत : महावितरण

एकाच दिवशी पाच गुन्हगांराना पकडले

तसेच या घटनेने अगोदर आठ दिवसापूर्वी विष्णुपुरी शासकीय रुग्णालयात आरोपीच्या पत्नीला प्रसूतीसाठी दाखल केले असता तिला भेटण्यासाठी नातेवाईकांना या सुरक्षारक्षकाने सोडले नव्हते. याचा राग मनात धरून सुरक्षारक्षकाला मारहाण केली होती. सहाय्यक पोलिस निरीक्षक पांडूरंग भारती व त्यांच्या सहकाऱ्यांनी सापळा लावून या दोघांसह हत्यार बाळगणारे दोन आणि एका महिलेचा विनयभंग करणाऱ्यास ताब्यात घेतले. एकाच दिवशी पाच गुन्हगांराना पकडल्यामुळे पथकाचे पोलिस अधीक्षक विजयकुमार मगर यांनी कौतुक केले.