नांदेड : टाकळी (बुद्रुक) (ता. नायगाव, जि. नांदेड) (Nanded) येथे बंधाऱ्यात अडकलेल्या चौघांना नांदेडच्या अग्निशमन विभागाने शर्थीचे प्रयत्न करून मंगळवारी (ता. २८) सुखरुप बाहेर काढले. अग्निशमन दलाचे शोध व बचाव पथकातील (Rain) अधिकारी रईस पाशा आणि त्यांच्या सहकाऱ्यांनी घटनास्थळी मदत कार्याला सुरुवात केली. बंधाऱ्यात पाण्याचा प्रवाह जास्त असल्याने बोट घेऊन पथक (Naigaon) अडकलेल्या चौघांपर्यंत पोचले. अनेक अडचणींवर मात करून, रेस्क्यू रोपच्या साह्याने पथकाने चौघांना सुखरुप बाहेर काढले.

लक्ष्मण पोचीराम डुबुकवाड (वय ६३ रा. येल्लोरी), संभाजी लिंबूराम घंटेवाड (२५, रा. भुतानी परगा), रामदास महादेव आवळे (२५, रा. वडगांव) आणि राजी विठ्ठल सोनकांबळे (४२, रा. टाकळी) अशी त्यांची नावे आहेत.