नांदेड : महाराष्ट्रात शिख समाज अल्पसंख्यांक असूनही येथील सचखंड गुरुद्वारा बोर्डाच्या वतीने चालविण्यात येणा-या शैक्षणिक संस्थांना अल्पसंख्यांक दर्जा दिला गेला नव्हता. या संदर्भात पालकमंत्री अशोक चव्हाण यांनी विशेष प्रयत्न केले. त्याचीच फलश्रुती म्हणून गुरुद्वारा बोर्डाच्या वतीने चालविण्यात येणा-या सर्व शैक्षणिक संस्थांना शासनाने नुकताच अल्पसंख्यांक दर्जा दिला आहे. शासनाने याबाबतचे आदेश नुकतेच जारी केले आहेत.

येथील सचखंड गुरुद्वारा बोर्डाच्या शैक्षणिक संस्थांना अल्पसंख्यांक दर्जा मिळावा अशी मागणी शिख समाज बांधवाच्या वतीने करण्यात येत होती. यासाठी पालकमंत्री चव्हाण यांनी शासनाकडे केलेल्या पाठपुराव्यास यश आले असून नुकत्याच झालेल्या मंत्रिमंडळाच्या बैठकीत गुरुद्वारा बोर्डाच्या शैक्षणिक संस्थांना अल्पसंख्यांक दर्जा देण्याचा निर्णय घेण्यात आला आहे. 

हेही वाचा - तुमची त्वचा जळजळतीय?; हे उपाय करुन पहा, निश्चित आराम मिळेल!

येथील सचखंड गुरुद्वारा बोर्डाच्या वतीने खालसा माध्यमिक विद्यालय, खालसा प्राथमिक विद्यालय, सचखंड पब्लिक स्कूल व हजूर साहिब औद्योगिक प्रशिक्षण संस्था आदी शैक्षणिक संस्था चालविल्या जातात. या शैक्षणिक संस्थांना अल्पसंख्यांक दर्जा मिळावा यासाठी गेल्या अनेक वर्षापासून शिख समाजाच्या वतीने मागणी करण्यात येत होती.  याबाबत जिल्ह्याचे पालकमंत्री चव्हाण यांनी राज्याचे अल्पसंख्यांक विकास मंत्री नवाब मलिक यांचे लक्ष वेधले. शासनाकडे व अल्पसंख्यांक मंत्र्यांकडे पालकमंत्री चव्हाण यांनी केलेल्या पाठपुराव्यास यश आले आहे. नुकत्याच झालेल्या मंत्रिमंडळाच्या बैठकीत गुरुद्वारा बोर्डाच्या शैक्षणिक संस्थांना अल्पसंख्यांक दर्जा देण्याचा निर्णय घेण्यात आला आहे. गुरुद्वारा बोर्डाच्या शैक्षणिक संस्थांना अल्पसंख्यांक दर्जा मिळाल्याने शैक्षणिक संस्थांत कर्मचारी भरती करताना बिंदु नियमावलीनुसार आरक्षणाची अटअसणार नाही. या समवेत अल्पसंख्यांक संस्था बाबतचाही लाभ मिळणार आहे.