file photo 
नांदेड

नांदेडकरांनो गर्दी केली तर समुह संसर्गाचा धोका वाढणार!

अभय कुळकजाईकर

 नांदेड - शहरासह जिल्ह्यातील काही भागात अजूनही कोरोनाचा प्रादुर्भाव दिसून येत आहे. लॉकडाउनमध्ये शिथिलता दिल्यानंतर गेल्या काही दिवसांपासून रस्त्यावर तसेच बाजारपेठेत गर्दी वाढली आहे. त्यामुळे दुसरीकडे कोरोना पॉझिटिव्ह रुग्णांची संख्याही वाढत आहे. एकंदरीत परिस्थिती लक्षात घेता अशीच रस्त्यावर आणि बाजारपेठेत गर्दी राहिली तर समुह संसर्ग होण्याची भीती आहे. त्यामुळे नांदेडकरांनी काळजी घेणे आवश्‍यक बनले आहे. 

कोरोना अजूनही संपलेला नाही. कोरोना रुग्णांची वाढती संख्या नांदेडकरांसाठी चिंतेची बाब बनली आहे. विनाकारण रस्त्यावर आणि बाजारपेठेत गर्दी केली तर समुह संसर्गाचा धोका वाढण्याचा धोका अधिक आहे. त्यामुळे नागरिकांनी विनाकारण रस्त्यावर तसेच बाजारपेठेत गर्दी करु नये तसेच सावध राहण्याची गरज आहे.

प्रशासनाच्या सूचना पाळणे अत्यावश्‍यक
नांदेड जिल्ह्यात मंगळवारपर्यंत (ता. ३० जून) कोरोना पॉझिटिव्ह रुग्णांची संख्या आता पावणेचारशेच्या घरात गेली आहे. त्यामुळे वाढती संख्या लक्षात घेता गर्दी करणे टाळावे लागणार आहे तसेच आवश्‍यक असेल तरच घराबाहेर पडा असे आवाहन प्रशासनाने केले असून त्यांच्या सूचना पाळणे अत्यावश्‍यक आहे. अनेकजण तोंडाला मास्क लावत नाहीत तसेच सोशल डिस्टन्सिंगचे पालनही बऱ्याच ठिकाणी होत नसल्याचे दिसून आले आहे. त्यामुळे आता खबरदारी घेणे गरजेचे आहे. 

दीड लाख लोकांचे सर्व्हेक्षण
नांदेड जिल्ह्यात आत्तापर्यंत एक लाख ४६ हजार ६८१ लोकांचे सर्व्हेक्षण करण्यात आले आहे. त्याचबरोबर जवळपास साडेसहा हजार स्वॅब घेण्यात आले आहेत. आत्तापर्यंत ३७५ कोरोना पॉझिटिव्ह रुग्ण आढळून आले असून त्यापैकी १७ जणांचा मृत्यू झाला आहे. तसेच २८१ जण कोरोनामुक्त झाले आहेत. 

कोरोनापासून बचाव करा
कोरोनापासून बचाव करण्यासाठी प्रशासनाने सांगितलेल्या नियमांचे पालन आवश्‍यक आहे. अत्यावश्‍यक असेल तरच घराबाहेर पडावे, बाहेर जाताना तोंडाला मास्क लावावे, सॅनीटायझरचा वापर करावा, वारंवार साबणाने हात स्वच्छ धुवावेत, सोशल डिस्टन्सिंगचे पालन करणे गरजेचे आहे. कोरोनाचा प्रादुर्भाव रोखण्यासाठी गर्दीत जाणे टाळले पाहिजे.

आरोग्य सेतू ॲप डाऊनलोड करा
कोरोना संदर्भात जनतेने अफवांवर विश्वास ठेवू नये. मनात कुठल्याही प्रकारची भीती बाळगू नये तसेच अत्यावश्यक कामाशिवाय घराबाहेर पडू नये. आपल्या मोबाईलवर ‘आरोग्य सेतू ॲप’ डाऊनलोड करुन घ्यावा. जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल.
- डॉ. निळकंठ भोसीकर, जिल्हा शल्यचिकित्सक, नांदेड.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Raju Shetty : कोल्हापुर पॅटर्नप्रमाणे दर न देणाऱ्या कारखानादारांना दिला आठ दिवसांचा अल्टीमेटम

Google IIT Kharagpur: आयआयटी खरगपूरच्या एआय संशोधनासाठी गुगलकडून 50 लाख डॉलर्सचा निधी; सुंदर पिचाई यांची भावुक पोस्ट

Malegaon Sugar Factory : माळेगावची उसाला पहिली उचल ३९०० रुपये जाहीर

Latest Marathi News Live Update: राजा भिंगे खून प्रकरणातील पाच आरोपींना पोलीस कोठडी

MS Dhoni Brand Value: क्रिकेटमधून रिटायर, पण जाहिरातीत धोनीचाच जलवा! विराट, रोहित अन् सचिनलाही टाकले मागे

SCROLL FOR NEXT