नांदेड : जिल्ह्यात मंगळवारी (ता. चार) प्राप्त ८१२ अहवालापैकी २९ अहवाल कोरोनाबाधित आले आहेत. सध्या ५९ रुग्ण उपचार घेत असून दोन बाधितांची प्रकृती अतिगंभीर आहे. उपचारानंतर बाधित रुग्ण बरे होण्याचे प्रमाण ९७ टक्के आहे.(in nanded Increase in the number of corona patients)

जिल्ह्यात एकुण बाधितांची संख्या ९० हजार ६०१ झाली असून यातील ८७ हजार ८८७ रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या २ हजार ६५५ एवढी आहे. आजच्या बाधितांमध्ये आरटीपीसीआर तपासणीद्वारे नांदेड महापालिका(nanded carporation) क्षेत्रात १८, नांदेड ग्रामीण, हिमायतनगर, मुखेड येथे प्रत्येकी एक, मुंबई एक, तर ॲटीजेन तपासणीद्वारे नांदेड महापालिका क्षेत्रात तीन, मुदखेडला दोन, लोहा आणि मुंबई प्रत्येकी एक असे एकुण २९ बाधित आढळले आहे. दिवसभरात नांदेड महापालिका अंतर्गत गृह विलगीकरणातील एका कोरोनाबाधिताला औषधोपचारानंतर सुटी देण्यात आली. सध्या ५९ रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपुरीतील सहा, नांदेड महापालिकातंर्गत गृहविलगीकरणातील ४८, नांदेड जिल्ह्यातील तालुक्यांतर्गत गृह विलगीकरणातील एक तर खासगी रुग्णालयातील चार जणांचा समावेश आहे.

नांदेड कोरोना मीटर

1. एकूण स्वॅब - ८ लाख ९२

2. एकूण निगेटिव्ह - ६ लाख ९५ हजार ९०६

3. एकूण बाधित - ९० हजार ६०१

4. एकूण मृत्यू - २ हजार ६५५

5. एकूण बरे - ८७ हजार ८८७

6. उपचार सुरू - ५९

7. अतिगंभीर प्रकृती - दोन