मुक्रमाबाद ( जिल्हा नांदेड ) : राञीच्या वेळी आडमार्गाचा फायदा घेत पोलिस असल्याचे खोटे सांगत ट्रक चालकाची व वाहनाची तपासणी करत असताना राञीच्या गस्तीवर असलेल्या ख-या पोलिसांची अचानक चिञपटात एंन्ट्री व्हावी तशी झाल्यामुळे तोतया पोलिसांनी त्याठिकाणाहून पळ काढला. त्यातले दोघे दुचाकीवर पसार झाले तर एकाला सिनेस्टाईल पाठलाग करून पकडण्यात आले. ही घटना बुधवार (ता. ३०) रोजी रात्री साडे बारा वाजता घडली.

उदगीर ते देगलूर रोडवर असलेल्या कर्नाटक राज्यात जात असलेल्या बावलगाव फाटा येथे आडमार्गावर राञी साडेबारा वाजता बाळू उत्तमराव बलांडे, हे. ट्रक क्रमांक KA38-5892 घेऊन जात असताना राजू गंगाधर राठोड, सोनू विनायक जाधव, माधव गणपत देवमारे, सर्व राहणार बावलगाव ता.औराद जिल्हा बिदर ( कर्नाटक ) येथील असून हे, तिघेही अंधार व आडमार्गाचा फायदा घेत अचानक धावत्या ट्रकसमोर आपली दुचाकी आडवी लावून आम्ही पोलिस आहोत. अशी खोटी बतावणी करत चालकाला दमदाटी करुन ट्रकची व ट्रकची व चालकाच्या कागदपञाची तपासणी करुन तुझ्या मालकाला फोन लाव अशी दमदाटी केली.

हेही वाचा - आपल्या काळ्या आईची सेवा करित कष्टाने अन्नधान्न पिकवतो. अशाच अर्धापुरातील शेतकरी कुटंबातील तरुणांनी नव्या पिढीसमोर आदर्श ठेवला आहे.

मुक्रमाबाद पोलिस ठाण्याचे पोलिस उपनिरीक्षक गोपीनाथ वाघमारे, उत्तम गायकवाड, शिवकुमार इंगळे, सतिष घुमलवाड, हे पथक राञीच्या गस्तीवर होते. राञीच्या वेळी आडमार्गावर ट्रक थांबल्याने गोपीनाथ वाघमारे यांनी ट्रकच्या दिशेने आपले वाहन हवेच्या वेगात पळविले. ख-या पोलिसांचे वाहन हे, आपल्याच दिशेने येत असल्याचे पाहून दोन तोतया पोलिसांनी आपल्या दुचाकीवर पळ काढला. तर एकांनी अंधाराचा फायदा घेत जवळच असलेल्या उसाच्या शेतात पळ काढला पण पोलिसांनी त्याचा सिनेस्टाईलने पाठलाग करुन पकडून बेड्या ठोकून न्यायालयात हजर केले असता न्यायालयाने एका दिवसाची पोलिस कोठडी सुनावली आहे.

तर यातील दोघांचा शोध घेणे चालू आहे. बाळू उत्तमराव बलांडे यांच्या फिर्यादीवरुन राजू गंगाधर राठोड, सोनू विनायक जाधव, माधव गणपत देवमारे रा.सर्व बावलगाव ता. औराद, जिल्हा बिदर (कर्नाटक राज्य ) यांच्यावर मुक्रमाबाद पोलिस ठाण्यात गुन्हे दाखल करण्यात आले असून पुढील तपास माधव मरगेवाड करीत आहेत.

संपादन- प्रल्हाद कांबळे