उमरी (जि.नांदेड) : फिर्यादी  पोलिस उपनिरीक्षक यांच्या घरुन आरोपी महिला पोलिस काॅन्स्टेबलने चेकबुक चोरून चेकद्वारे १ लाख ५६ हजार ९३० रुपये  खोटी स्वाक्षरी करुन स्वतःच्या  खात्यावर पैसे जमा करुन घेतले. या प्रकरणी उमरी पोलिस ठाण्यात आरोपी महिला पोलिस काॅन्स्टेबलवर फसवणुकीचा गुन्हा दाखल (Umari) करण्यात आला आहे. सदरील घटना दोन जुन ते २० आगस्ट २०२० रोजी उमरी येथे फिर्यादीच्या घरी घडली आहे. दोन जुन ते २० आगस्ट २०२० मध्ये आरोपी  महिला पोलिस काॅन्सटेबल मिनाज नजीर शेखने (रा. शिवाजीनगर, पुणे)  तत्कालीन पोलिस उपनिरीक्षक रहीम बशीर चौधरी (पोलिस ठाणे उमरी, ता.उमरी, जि.नांदेड)  यांच्या घरुन चेकबुक चोरुन  चेकद्वारे फिर्यादी रहिम बशीर चौधरी यांच्या खात्यातून एक लाख ५६ हजार ९३० रुपये खोटी सही करुन स्वतः च्या  खात्यावर जमा करुन घेतले. (Nanded)

फिर्यादी बशीर चौधरी यांची फसवणूक केल्याप्रकरणी आरोपी महिला पोलिस कर्मचारी मिनाज नजीर शेख यांच्या विरोधात उमरी पोलिस ठाण्यात गुन्हा दाखल करण्यात आला आहे. तपास पोलिस निरीक्षक मोहन भोसले यांच्या मार्गदर्शनाखाली तपास सहायक पोलीस निरीक्षक शेवाळे हे करित आहेत.