शिवणी (नांदेड) : किनवट तालुक्यातील शिवणी व परिसरातील शेतकरी गेल्या चार-पाच वर्षापासून रब्बी पिकांच्या पेरणीमध्ये धना पिकांची निवड मोठ्या प्रमाणात करताना दिसत आहेत. या परिसरात गेल्या तीन-चार वर्षांपासून शिवणी व परिसरात निसर्गाच्या अवकृपेमुळे खरिपाची पिके हातातून जात आहेत. त्यामुळे या भागातील शेतकरी कमी पाण्यात उत्पादनाचा खर्चही कमी प्रमाणात येत असल्याने धना पिकाकडे वळला आहे. धना पिकाला बाजारातही चांगला भाव मिळत असल्याने शेतकरी जीवाची पर्वा न करता थंडी असतानाही आपल्या उरल्यासुरल्या या धना पिकाची वन्य प्राण्यांपासून बचाव करताना दिवस-रात्र एक करीत आहेत. अशातच गेल्या दोन आठवड्यापासून या भागात मोठ्या प्रमाणात धुके पडत असल्याने धना पीक फुलोऱ्यात असताना या पडणाऱ्या धुक्यामुळे धना पिकाची फुले खरपून जातील.

नांदेडच्या बातम्या वाचण्यासाठी येथे क्लिक करा 

या भीतीने शेतकऱ्यांना महागडी औषधीच्या फवारण्या कराव्या लागत आहेत. शिवणी परिसरातील आप्पारावपेठ, मलकजांम कंचली, चिखली झऴकवाडी, तल्लारी, दयाल धानोरा, गोंडजेवली या गावतील शेतकरी गेल्या चार पाच वर्षापासून या पिकाचे उत्पन्न मोठ्या प्रमाणात घेत आहेत. हे धान पिक विक्रीसाठी शिवणी किंवा धर्माबाद या बाजारपेठचा वापर करीत असतात.

ताज्या बातम्यांसाठी डाऊनलोड करा ई-सकाळचे ऍप 

यावर्षी या परिसरात हजारो एकरवर धना पिकाची पेरणी केल्यामुळे हा परिसर चोहीकडे कुठेही पाहिले तर पांढरी चादर पांघरून घेतल्यासारखे दिसत आहे. विशेष या धना पिकाला जंगली प्राणी किंवा पाळीव प्राण्या पासून नुकसान होण्याची भीती शेतकऱ्यात नाही पण रान डुक्कराकडून जमीन उकरून धना पिकाची नुकसान करण्याची भिती शेतकऱ्यामध्ये असल्याने धना पिकाचे बचाव करण्यासाठी शेतकऱ्यांना धडपड करावी लागत आहे.