नांदेड : लाॅकडाउनमध्ये शिथिलता दिली असली तरी, अद्यापही बहुतांश व्यवसाय बंदच आहेत. त्यामुळे अनेकांच्या हाताला अद्यापही काम नाही. परिणामी लॉकडाउनचा गैरफायदा घेवून शहरामध्ये फिरून पैशांची मागणी करणाऱ्या टोळ्या सक्रिय झाल्या आहेत. व्याकुळलेल्या चेहऱ्यांसह भावनांचा अक्षरशः व्यापार या टोळ्यांनी मांडल्याचे वास्तव बघायला मिळत आहे.  

कोरोनाच्या पार्श्वभूूमीवर देश लाॅकडाउन आहे. लॉकडाउनमध्ये शिथिलता दिली असली तरी, विनाकारण घराबाहेर पडू नका या प्रशासनाच्या आवाहनानुसार नागरिक घरामध्येच तळ ठोकून आहेत. ही संधी साधून काहीजण नांदेडमध्ये वस्त्यावस्त्यातून फिरून अनधिकृतपणे पैशांची वसुली करत आहेत. साधारणतः दुपारच्या वेळी घरातील मंडळी झोपलेली असतात. हीच संधी साधून टोळीतील सदस्य प्रामुख्याने महिला घरोघरी जातात. चेहऱ्यावर केविलवाणे भाव आणत पैशांची अडचण सांगून मदतीची विनंती करतात.  

हेही वाचा - ब्रेकिंग : सामाजिक न्याय मंत्री धनंजय मुंडेंसह पाच जण कोरोनाबधित -

पैसे मागणाऱ्या महिला दाखवतात भीती
कोणी पैसे दिले नाहीतर त्यांना या महिला भीती दाखवत आहेत. त्यामुळे अनेकजण भीतीपोटी कुणी जेवण किंवा अन्य साहित्य देण्याची तयारी दाखवतात. परंतु, अशा वस्तूंना या महिला नकार देत पैशांची मागणी करतात. शहरातील शिवाजी काॅलनी, गजानननगर, अशोकनगर, विवेकनगर, दशमेशनगर, सरपंचनगर, फरांदेनगर, लक्ष्मीनगर, रतननगर, विजयनगर, छत्रपती चौक, खंडोबा चौक, झेंडा चौक आदी परिसरांमध्ये टोळीतील सदस्य फिरताना दिसत आहेत.

हे देखील वाचा -  सार्वजनिक जीवनमान सुरक्षित ठेवण्याची जबाबदारी सर्वांचीच...

मुलांनाही केले प्रशिक्षित
टोळीतील सर्व सदस्यांच्या पोषाखावरून ही मंडळी परप्रांतीय असल्याचे प्रथमदर्शनीच लक्षात येते. त्यांच्यासोबत छोटी मुलेही असतात. मुलांचे हावभाव सुद्धा मनात दया निर्माण करणारे असतात. पण, प्रशिक्षण मिळाल्याप्रमाणे खान्या पिण्याच्या वस्तू दिल्यास सपशेल नकार देत पैशांची मागणी ही मुले करतात. त्यामुळे पैशांचा अनाठायी आग्रह हा संशय निर्माण करणारा असल्याचे ज्येष्ट नागरिक दिगांबर सोळंके यांनी सांगितले आहे.

येथेही क्लिक कराच - पाढंऱ्या सोन्याची व्यापाऱ्यांनी केली चांदी!
 

भावणेलाच तडे जाण्याची शक्यता
दरम्यान काही जागरूक नागरिक पैसे मागणाऱ्या महिलांना परतवून लावत आहेत. पण, सर्वांसाठीच ही अडचणीची वेळ आहे. एकमेकांच्या साथीने मदतीनेच एकएक दिवस पुढे ढकलले जात आहे. गरजवंताच्या मदतीसाठी अनेक हात पुढे सरसावत आहेत. पण वस्त्यांमध्ये फिरणाऱ्या संधीसाधू टोळ्यांमुळे मदतीमागील भावणेलाच तडे जाण्याची शक्यता नाकारता येत नाही. तसे झाल्यास गरजूंना मदतीपासून वंचित राहावे लागू शकते, हे मात्र खरे.