Nanded News
Nanded News 
नांदेड

Video - नांदेडमध्ये सामुहिक तुलसी विवाहातच बांधली रेशीमगाठ 

प्रमोद चौधरी

नांदेड : सण-उत्सव हे समाजामध्ये एकता नांदावी, संस्कृतीची जोपासना व्हावी, सामाजिक परिवर्तन घडावे म्हणून वर्षानुवर्षे साजरे करण्याची परंपरा समाजामध्ये आहे. त्यानुसारच जुना कौठा येथील नरोबा लक्ष्मी नृसिंह मंदिर संस्थानतर्फे सोमवारी (ता.३०) सामुदायिक तुलसी विवाह झाला. त्यामध्ये एका गरीब कुटुंबातील आरती किशन धोणे (रा. मनाठा) हिचा शिवकुमार भानुदास धाकपाडे (रा. जुना कौठा) यांच्यासोबत हजारो वऱ्हाडींच्या साक्षीने रेशीमगाठ बांधून धार्मिक कार्यक्रमाला सामाजिकतेची झालर दिली. 

शहरापासून जवळच असलेल्या जुना कौठा येथे नरोबाचे (नृसिंह) तीनशे वर्षांपूर्वीचे पुरातन मंदिर आहे. कौठावासीयांचे ते ग्रामदैवत आहे. या मंदिरात धार्मिक कार्यक्रमांसोबतच विविध सामाजिक उपक्रमही राबविले जातात. सर्व पुरुष-महिला एकत्रे येवून प्रत्येक सण-उत्सव एकोप्याने साजरा करतात. त्यामध्ये आषाढी, कार्तिकी एकादशी, हळदीकुंकु कार्यक्रम, दीपावली स्नेहमीलन, सामुदायिक तुलसी विवाह असे विविध सण-उत्सव एकोप्याने साजरे करण्याची परंपरा मंदिर संस्थानच्या वतीने जोपासली जात आहे. 

मंदिर संस्थानतर्फे होत असलेल्या सामुदायिक तुलसी विवाहामध्ये २०१३ पासून गरीब कुटुंबातील जोडप्यांच्या रेशीमगाठी बांधण्याच्या उपक्रमाला संस्थानने सुरुवात केली. त्याला जुन्हा कौठा येथील ग्रामस्थांचेही मोठे बळ मिळाले. तेव्हापासून हा उपक्रम अखंडित सुरु आहे. प्रत्येक वर्षी कार्तिक पौर्णिमेला नृसिंह जयंती उत्सव साजरा होतो. या उत्सवाचा समारोपत सोमवारी सामुदायिक तुलसी विवाहाने झाला. त्यानंतर गरीब कुटुंबातील आरती किशण धोणे आणि शिवकुमार भानुदास धाकपाडे या जोडप्यांची रेशीमगाठ हजारो वऱ्हाडींच्या साक्षीने तसेच फटाक्यांच्या आतषबाजीत बांधण्यात आली. 

मंगलाष्ट्कांना मंजुर स्वर 
कुठल्याही शुभकार्याला मंजूळ स्वरांची जोड दिली तर उत्साहाला उधाण येते. नरोबा मंदिर परिसरात सोमवारी सामुदायिक तुलसी विवाहानिमित्त आयोजित संगीत रजनीमध्ये भावगीतांनी उपस्थित वऱ्हाडींचे लक्ष वेधलेच;शिवाय मंगलाष्टकांनाही सांगितिक साजशृंगार चढविल्याने वातावरण उल्हासीत झाले होते. 

तुलसी विवाह स्पर्धा 
सामुहिक तुलसी विवाहानिमित्त तुलसी सजावट स्पर्धा घेण्यात आली. यामध्ये प्रथम यमुनाबाई ओमप्रकाश बडे, द्वितीय सुमित्रा बालाजी कटकमवार, तृतीय श्रावणी डहाळे तर चौथा क्रमांक अनिता ठाकूर यांनी पटकावला. त्यांना नगरसेवक राजू काळे पाटील यांच्या हस्ते पारितोषिक वितरण करण्यात आले. यावेळी मंदिराचे विश्वस्त अध्यक्ष गंगाप्रसाद काकडे, नीळकंठ काळे, अशोक दिलेराव, मारोती पासवाड, बालाजी सोनवळे देऊनळगावकर, विनोद काकडे आदी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

LSG vs MI : मुंबई पॉवर प्लेमध्ये 'पॉवर'लेस; लखनौनं प्ले ऑफचं गणित बिघडवलं?

Modi Latur Rally: "देवानं मला असं मॅन्युफॅक्चर केलंय की..."; PM मोदींनी सांगितलं आपण मोठाच विचार का करतो

Hardik Pandya LSG vs MI : भारतीय संघातील स्थान सेफ होताच हार्दिकचा भोपळा; मुंबईचा संघ आला अडचणीत

Shivam Dube: 'युवराजबरोबर तुलना मुर्खपणाचे...', टी20 वर्ल्ड कपसाठी निवड झालेला शिवम दुबे काय म्हणाला

Loksabha election 2024 : ''जोपर्यंत जिवंत आहे तोपर्यंत मुस्लिमांना एससी, एसटी अन् ओबीसीतून आरक्षण मिळू देणार नाही'' मोदींचा काँग्रेसवर हल्ला

SCROLL FOR NEXT