Nanded fertilizer distribution companies sakal
नांदेड

नांदेड : खतासोबत लिंकिंग केल्यास कठोर कारवाई

कृषी विभागाचा इशारा; वितरक, कंपन्यांना दिले सक्त निर्देश

सकाळ वृत्तसेवा

नांदेड : रासायनिक खत घेणाऱ्या शेतकऱ्यांना खत विक्रेत्याकडून इतर कोणत्याही निविष्ठा घेण्याचे अनिवार्य करु नये, असा प्रकार नांदेड शहरासह जिल्ह्यात आढळून आल्यास संबधीत कंपनी व कृषी निविष्ठा विक्रेत्याविरोधात कठोर कारवाई करण्याचे आदेश जिल्हा अधीक्षक कृषी अधिकारी रविशंकर चलवदे यांनी दिले आहेत.

खरिप हंगामाच्या पार्श्वभूमीवर शुक्रवारी नवा मोंढा येथील नांदेड जिल्हा सिड्‌स, फर्टीलायझर अन्ड पेस्टीसाईड डिलर्स असोशियशनच्या कार्यालयात खत विक्रेते, कंपनी प्रतिनिधी यांच्या बैठकीत ते बोलत होते. यावेळी कृषी विकास अधिकारी डॉ. तानाजी चिमनशेट्टे, मोहिम अधिकारी श्री. हुंडेकर, तालुका कृषी अधिकारी सिध्देश्‍वर मोकळे, विक्रेते विपीन कासलीवाल, दिवाकर वैद्य, ईश्‍वर अग्रवाल, दिनेश अग्रवाल, शिवा पुरमवार, सदाशिव पुंड, आनंद मुथा, मनोज सारडा, गणेश मामीडवार, धनराज मंत्री, पवन लखोटीया यांच्यासह खत कंपन्याचे प्रतिनिधी उपस्थित होते.

जिल्ह्यात मागील काही दिवसापासून खत वितरकांकडून रासायनीक खतासोबत शेतकर्‍यांना इतर निविष्ठा घेण्याचे अनिवार्य केल्याने ऐेन हंगामात खत विक्रेते आणि शेतकऱ्यात वाद होत आहेत. याबाबत आलेल्या तक्रारीच्या अनुषगांने बेठक घेतली. यावेळी रविशंकर चलवदे यांनी खत उत्पादक कंपन्यांना कोणत्याही खतासोबत वितरकांना लिंकींग देवू नये, तसेच वितरकांनीही किरकोळ विक्रेते व शेतकर्‍यांना खतासोबत इतर निविष्ठा देण्याचा घाट घालू नये, अन्यथा संबधिताविरोधात कठोर कारवाई करण्याचा इशारा दिला. या सोबतच जिल्ह्यातील खते इतर जिल्ह्यातील विक्रेत्यांना विक्री करु नये, डीएपी खत अधीकच्या दराने विक्री करु नये, असे निर्देश दिले.

काही बियाणे अधिकच्या दराने विक्री

जिल्ह्यात काही बियाणे मुख्य वितरक अधिकच्या दराने विक्री करीत आहेत. यात कपाशीचा कबड्डी वाण, सोयाबीनचे विक्रांत व ३३४४ हे बियाणेही अधिकच्या दराने विक्री होत असल्याने किरकोळ विक्रेत्यांसह शेतकऱ्यांना अधिकचा भुर्दंड पडत आहे. याबाबतही कारवाई करण्याची मागणी यावेळी करण्यात आली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Real Estate Development : २०१६ ते २०२६ दरम्यान पिंपरी चिंचवडचे चित्र बदलले; शेतजमिनी कमी होऊन टोलेजंग इमारतींची संख्या वाढण्यामागे काय?

Shankar Maharaj Math : धनकवडीतील शंकर महाराज मठाच्या अन्नछत्राला एफडीएचा दणका; परवाना मिळेपर्यंत व्यवसाय बंद

Tata Group: टाटा समूहात खळबळ! रतन टाटा यांचे सख्खे भाऊ जिमी टाटा यांचे नोएल टाटांवर गंभीर आरोप; म्हणाले...

IPL Retaintion झालं, आता लिलावापूर्वी कोणत्या संघाकडे किती पैसे अन् खेळाडूंची जागा शिल्लक? पाहा यादी

Pimpri Cyber Police : सायबर गुन्हेगारांना १२ हजार बनावट सिमकार्डचा पुरवठा; पिंपरी पोलिसांची मोठी कारवाई

SCROLL FOR NEXT