नांदेड - लॉकडाउन काळात अनेक तरुण आणि वयोवृद्धांना नाविलाजाने स्वःताला घरात कोंडून घ्यावे लागले होते. दरम्यान अनेक तरुणांनी शाळा, महाविद्यालय आणि जिम बंद असताना देखील स्पर्धापरिक्षेसोबतच पिळदार शरिरयष्टी कमावण्याकडे अधिक लक्ष दिले आहे. बीसीएचा विद्यार्थी असलेल्या नांदेडच्या अथर्व उदावंत याने देखील पिळदार शरिर कमावण्यासोबतच मॉडलिंगसाठी वेळ दिला आणि ‘झेरॉन प्रोडक्शनच्या मिस्टर इंडिया स्पर्धेसाठी त्याची निवड झाली आहे. 

लॉकडाउन काळात घरात बसणे हे सर्वांसाठी मोठे आव्हानच होते. घराबत बसल्याने कोरोनापासून बचाव झाला असला, तरी मोबाईलच्या अतिवापराने डोळ्यांचे आजार, पोट सुटणे, गुडघे, कंबर दुखी, मानसिक तनाव असे इतर आजाराने जुनाट व नवीन आजाराने मात्र डोके वर काढल्याचे दिसून आले. दुसरीकडे शहरातील शेकडो तरुण घरात राहून डायट सोबतच आॅनलाइन अभ्यास करणे, स्वःताचे फोर्ट फोलिओ तयार करुन ते सोशल मीडियावर शेअर करत होते. 

हेही वाचा - नांदेड : पत्नीला घराबाहेर हाकलून तिसऱ्यांदा बोहल्यावर, गुन्हा दाखल ​

पिळदार शरिरारोबतच मॉडलींग करण्यावर भर 

सगरोळीच्या सैनिक शाळेत सहा वर्षापर्यंत सैनिकी प्रशिक्षण घेतलेल्या व सध्या एमजीएम महाविद्यालयात बीसीएचे शिक्षण घेणाऱ्या अथर्व उदावंत या तरुणाला देखील रिकाम्या वेळेत पिळदार शरीरासोबतच मॉडलिंग करण्याचे ठरवले आहे. यासाठी अथर्वने घरात राहून व्यायाम करण्यासोबतच मसालेदार पदार्थ, मटन, मिठ, साखर, चमचमित पदार्थ, चायनीज पदार्थ न खाता प्रोटीनयुक्त अन्न व दूध, चिकन, अंडी खाण्यावर अधिक भर दिल्याने अगदी दोन महिण्याच्या कालावधीत ‘अथर्व’ने पिळदार शरिरारोबतच मॉडलींग करण्यावर अधिक भर दिला आहे. त्याचे सोशल मीडियावरील व्हायरल फोटो तरुणाईला भुरळ घातलताना दिसून येतात.

हेही वाचले पाहिजे - नांदेड : उत्पादन शुल्क विभागाच्या कारवाईत विदेशी दारु जप्त ​

मिस्टर इंडिया मॉडलिंग स्पर्धेसाठी देशभरातील २५० विद्यार्थ्यांची निवड 

शहरात मॅडलींगचे वातावरण नसताना अथर्वला वडील संजय उदावंत यांच्याकडून प्रोत्साहन मिळत असल्याने त्याने प्रत्येक गोष्ट नव्याने शिकण्याचे ठरविले आहे. सहा महिण्याच्या मेहनतीतून त्याची देशातील नामांकित अशा ‘झेरॉन प्रोडक्शनच्या मिस्टर इंडिया मॉडलिंग स्पर्धेसाठी त्याची निवड निवडली आहे. यास्पर्धेत देशभरातील २५० विद्यार्थ्यांची निवड झाली असून, हि स्पर्धा पुणे येथे होणार असून, अंतिमस्पर्धा दिल्ली येथे होणार आहे. 

जगात कुणीही परिपूर्ण नाही
नांदेडसारख्या शहरात असल्याने मला फार कुणाचे मार्गदर्शन मिळत नाही. मात्र मी माझ्यातील चुका शोधुन त्या सुधारणाचा प्रयत्न करतो. भविष्यात टाईम्स आॅफ इंडियाच्या मिस्टर इंडिया स्पर्धेत मॉडेल म्हणून निवड होण्याची इच्छा आहे. कोरोनाचे संकट टळल्याने व महाविद्यालय सुरू झाल्यास दिल्लीतील जाऊन मॉडलिंगचे प्रशिक्षण घेणार आहे. जगात कुणीही परिपूर्ण नसतो. 
- अथर्व उदावंत, मॉडेल.