हणेगाव (जिल्हा नांदेड )- भरधाव वेगात असलेला अपे ऑटो उलटून चालकाचा जागीच मृत्यू झाल्याची घटना (ता. पााच) शनिवार रोजी सकाळी हाणेगाव- लोणी रस्त्यावर घडली आहे.

मरखेल पोलिस ठाण्याकडून प्राप्त माहितीनुसार ऑटो चालक संतोष बाबुराव वलुरे (वय 30 वर्ष) राहणार लोणी याने आपला (एम.एच.26 डी7051) तीन चाकी ॲपे ऑटो भाड्याने  हणेगाव येथे जाऊन परत आपल्या गावी लोणीकडे येत असताना देगलूर- हणेगाव रस्त्यावरील लोणी माळावरून भरधाव वेगात असलेल्या ऑटो वरून त्याचा ताबा सुटला व ॲपे उलटून पडली. यामध्ये संतोषच्या डोक्याला मोठा मार लागल्याने त्याचा जागीच मृत्यू झाला.

हेही वाचा - जिंतूर : खाजगी शिकवणीवर्ग चालकांकडून विद्यार्थ्यांच्या जीविताशी खेळ : परवानगी नसतांनाही बिनधास्तपणे वर्ग झाले सुरू

सदरील घटना ही शनिवार रोजी सकाळी 9:30 च्या सुमारास घडली असून ऑटोमध्ये असलेला दुसरा व्यक्ती गज्जु इबिते रा.लोणी  याच ऑटो मध्ये गावाकडे येत होता,परंतु सावध गिरी बाळगून चालत्या ऑटो मधून बाहेर उडी मारल्याने तो बालंबाल वाचला असून किरकोळ जखमी झाला आहे. घटनेची माहिती मिळताच मरखेल पोलिस घटनास्थळी दाखल झाले. 

संपादन-  प्रल्हाद कांबळे