नांदेड : हिंगोली लोकसभा मतदारसंघात बुधवारी अनेक ठिकाणी वादळीवाऱ्यासह जोराचा पाऊस झाल्याने जवळपास पाचशे हेक्टरवरील केळी पिकांचे नुकसान झाले आहे. त्यामुळे पावसाळा सुरु होण्यापूर्वीच शेतकरी संकटात सापडला आहे. याबाबत खासदार हेमंत पाटील यांनी राज्याचे कृषी मंत्री दादाजी भुसे यांची भेट घेऊन सदरील केळी पिकाच्या झालेल्या नुकसानीचे पंचनामे करण्याची मागणी केल्यानंतर कृषी मंत्री भुसे यांनी जिल्हा कृषी अधिकारी यांना तत्काळ नुकसानीचे पंचनामे करुन माहिती सादर करण्याच्या सुचना दिल्या आहेत. त्यामुळे जिल्ह्यातील पाचशे हेक्टर केळी पिक बागायतदारांना दिलासा मिळणार आहे.
बुधवारी झालेल्या वादळी वाऱ्यासह अवकाळी पावसामुळे केळी पिकांचे नुकसान झाले आहे. यामुळे केळी पिकांच्या बागा उद्ध्वस्त झाल्या असून घरांची देखील पडझड होऊन नुकसान झाले आहे. या अवकाळी पावसाचा अनेक ठिकाणी गुरे-ढोरे यांना देखील फटका बसला आहे. अनेक जनावरे दगावली आहेत. कृषिमंत्री भुसे यांनी देखील खासदार पाटील यांच्या निवेदनाची दखल घेत संबंधीत अधिकारी यांना पंचनामा करण्याचे आदेश दिले आहेत. यावेळी राज्याचे रोजगार हमी योजना मंत्री तथा यवतमाळचे पालकमंत्री संदीपान भुमरे, हिंगोली शिवसेना जिल्हाप्रमुख तथा कळमनुरीचे आमदार संतोष बांगर, नांदेड उत्तरचे आमदार बालाजी कल्याणकर यांची उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.