बरबडा : बरबडा व नायगाव विधानसभा मतदारसंघातील सर्वात मोठे राजकीय सर्कल म्हणून ओळखल्या जाणाऱ्या बरबडा सर्कलमध्ये बरबडा येथील सेवा सहकारी सोसायटीच्या निवडणुकीत शेतकरी विकास आघाडी तेरा पैकी दाहा जाग जिंकून पुन्हा एक हाती सत्ता हस्तगत केली असून अखेर बाळासाहेब धर्माधिकारी, बालाजी मद्देवाड हे हुकमी एक्का ठरले असून भूमिगत विरोधकांना लगाम लावण्यात राजकीय खेळी प्रभावी ठरली असल्याची चर्चा राजकीय वर्तुळात चांगलीच रंगली आहे.

बरबडा गावात सोसायटीची निवडणूक बिनविरोध व्हावी यासाठी ग्रामस्थांनी शर्तीचे प्रयत्न केला दोन्ही गटाच्या समझोता झाल नसल्याने निवडणुकीचे रणशिंग फुंकले. सोसायटीच्या निवडणुकीत बाळासाहेब धर्माधिकारी व बालाजीराव मद्देवाड यांच्या नेतृत्वाखाली शेतकरी विकास आघाडी पॅनेल उभे केले होते. यांच्यासह आदींनी शिस्तबद्ध प्रचाराची आखणी केली होती. यात विरोधी गटाचा दणदणीत पराभव झाला आहे. भाजपचे दिलीपराव धर्माधिकारी, गंगाधर बडूरे यांचा पराभव झाला आहे.

बरबड्याच्या शेतकरी विकास पॅनेल नावाने बाळासाहेब धर्माधिकारी, भास्कररावजी धर्माधिकारी, बालाजीराव मदेवाड यांनी दत्त मंदिरात प्रचाराचा नारळ फोडला आणि गुरुकृपा नाव ठेवणाऱ्याचे शेतकऱ्यांच्या पॅनेलला अखेर गुरुने आशीर्वाद दिला. प्रचंड मतांनी संचालक निवडून आले. निवडणूक निर्णय अधिकारी म्हणून एम.आय. अली यांनी काम पाहिले आहे. बरबडा बिट येथील पोलिस ठाण्याचे रमेश निखाते, लक्ष्मण सोनकांबळे, कंधारे यांच्यातर्फे चोख बंदोबस्त ठेवण्यात आला होता.

सेवा सोसायटीची निवडणूक बिनविरोध पार पाडावी अशी गावकऱ्यांची इच्छा होती. या मुळे गावात डिवचण्याचा प्रयत्न केला, परंतु गावकऱ्यांनी एकसंघ होवुन बाळासाहेब धर्माधिकारी व बालाजी मद्देवाड यांच्या नेतृत्वावर विशवास ठेवून सोसायटीवर झेंडा फडकवला आहे.

- बाळासाहेब धर्माधिकारी.