नांदेड ः भाग्यनगर पोलिसांनी एका दुचाकी चोरट्याला पकडल्यानंतर त्याच्याकडून १२ दुचाकी जप्त केल्या आहेत. सध्या हा चोरटा पोलिस कोठडीत असून त्याच्याकडून अजून चोरीच्या मोटारसायकली मिळण्याची शक्यता असल्याचे पोलिस निरीक्षक अभिमन्यू साळूंके यांनी सांगितले आहे.
तीन- चार दिवसांपूर्वी गजानन व्यंकटी धुमाळ (रा. सायाळ, ता.नांदेड) हा संशयीतरीत्या दुचाकीवर नांदेडमध्ये फिरताना भाग्यनगर पोलिसांना दिसला. त्यादरम्यान पोलिसांनी त्याला थांबवून त्याच्याकडील गाडीची विचारणा केली असता तो योग्य उत्तर देवू शकला नाही. त्यामुळे पोलिसांचा संशय बळावल्याने पोलिस निरीक्षक अभिमन्यू साळुंके यांच्या मार्गदर्शनाखाली पोलिस उपनिरीक्षक राजाभाऊ जाधव, संजय कळके, राजानंद कांबळे, कमलाकर जायभाये, हणमंत कदम, दिनेश झगडे, प्रदीप गर्दनमारे आणि रुपाली ढोणे यांनी गजानन धुमाळच्या सायाळ येथील शेतात पाहणी केली. तेव्हा तेथे काही चोरीच्या दुचाकी गाड्या पोलिसांना आढळून आल्या. पोलिसांनी या सर्व अडीच लाखाच्या बारा गाड्या जप्त करुन भाग्यनगर पोलिस ठाण्यामध्ये आणल्या असून, न्यायालयाने गजानन व्यंकटी धुमाळला सात डिसेंबरपर्यंत पोलिस कोठडीत पाठवले आहे.
स्थानिक गुन्हा शाखेने दहा महिन्यांत पकडल्या १७ बंदुका
नांदेड ः स्थानिक गुन्हा शाखेने मागील दहा महिन्यांमध्ये शस्त्रांचा मोठा साठा जप्त करुन अनेक गुन्हेगारांना गजाआड केले आहे. या कामगिरीमध्ये स्थानिक गुन्हे शाखेचे पोलिस निरीक्षक द्वारकादास चिखलीकर यांचे सक्षम नेतृत्व आणि त्यांच्या सहकारी अधिकारी- कर्मचाऱ्यांनी दिलेली सकारात्मक साथ महत्त्वाची ठरली आहे.
नांदेड शहरात जानेवारी ते डिसेंबर दरम्यान अनेक घटना घडलेल्या असून ज्यात खून, दरोडे, खूनाचा प्रयत्न असे गुन्हे दाखल झालेले आहेत. शहरातील बहुतांश गुन्ह्यांतील आरोपी स्थानिक गुन्हे शाखेने पकडले. पोलिस निरीक्षक द्वारकादास चिखलीकर यांच्यात असलेले नेतृत्व गुण, प्रशासकीय कसब तसेच सहकारी अधिकारी आणि कर्मचाऱ्यांचे सहकार्य महत्त्वाचे ठरले आहे. अनेक वेळेस स्वतः चिखलीकर आपल्या अधिकारी, कर्मचाऱ्यांसोबत धोकादायक ठिकाणी हजर राहून कामाच्या पुर्ततेला महत्त्व दिलेले आहे.
स्थानिक गुन्हे शाखेने ११ महिन्यात एकूण १७ देशी बंदुका, दोन एअरगन, ३७ बंदुकींच्या गोळ्या, ३३ खंजीर आणि १९ तलवारी जप्त केलेल्या आहेत. ज्यांच्या आधारावर गुन्हेगारांनी सर्वसामान्य जनतेला जेरीला आणले होते. काही दिवसांपूर्वीच पोलिस निरीक्षक द्वारकादास चिखलीकर यांनी विक्की चव्हाण खून प्रकरणातील आरोपी कैलास बिघाणीयाला पकडले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.