नांदेड : माहेराहून पैशाची मागणी करुन पत्नीला मारहाण केले. एवढेच नाही तर तिला घराबाहेर हाकलुन देण्यात आले. त्यानंतर पती तिसऱ्यांदा बोहल्यावर चढला. ही घटना बिलोली तालुक्यातील सगरोळी येथे घडली. या प्रकरणात दहा जणांविरूद्ध बिलोली पोलिस ठाण्यात गुन्हा नोंदविण्यात आला आहे.

पीडित विवाहितेला सासरच्या मंडळींनी दुचाकी घेण्यासाठी आणि बोअरवर कृषीपंप बसण्यासाठी माहेराहून दोन लाख रुपये घेऊन येण्याची मागणी केली होती. परंतु पैशाची मागणी पूर्ण होत नसल्याने सासरच्या मंडळींनी विवाहितेला उपाशीपोटी ठेवून मारहाण केली. त्यानंतर घराबाहेर हाकलून दिले. पत्नी माहेरी गेल्यानंतर पतीने दुसऱ्या मुलीसोबत लग्न केले. या प्रकरणात हनुमंत सायलु उस्केलवार, शंकर उस्केलवार, वनिता उस्केलवार, संगीता उस्के लवार, सायलू उस्केलवार यांच्यासह आदीवर गुन्हा नोंदविण्यात आला आहे.

हेही वाचा -  गुड न्यूज : नांदेड- अमृतसर- दिल्ली विमानसेवा १९ डिसेंबरपासून, आठवड्यातून तिन दिवस -

चाकूचा धाक दाखवून लुटले 

चेहऱ्यावर कापड बांधलेल्या तीन अनोळखी आरोपींनी एका 32 वर्षीय तरुणाच्या गळ्याला चाकु लावुन मोबाईल, दुचाकी आणि रोख रक्कम असा एकूण ८५ हजार तीनशे रुपयांचा ऐवज जबरीने चोरुन नेला. ही घटना 14 डिसेंबरच्या रात्री साडेआठच्या सुमारास जुना कौठा परिसरातील विसावा पार्क परिसरात घडली. तुपा येथील रहिवासी राजरत्न साहेबराव पंडित नेहमीप्रमाणे 14 डिसेंबर रोजी रात्री साडेआठ वाजेच्या दरम्यान त्यांचे सुगाव येथील कामकाज आटोपून ते (एम एच २६-४५३५) या दुचाकीवरुन हसापुर ब्रिज पार करून तुप्पा येथील घराकडे येत असताना त्यांना अडविले. चोरट्यांनी चाकूचा धाक दाखवून त्यांना लुटल्यानंतर चोरटे विष्णुपुरीच्या दिशेने पळून गेल्याचे त्याने पोलिसांना सांगितले. राजरत्न साहेबराव पंडित यांच्या फिर्यादीवरून नांदेड ग्रामीण पोलीस ठाण्यात 15 डिसेंबर रोजी तीन अनोळखीविरुद्ध जबरी चोरीचा गुन्हा दाखल करण्यात आला आहे.