नांदेड : राज्यातील मातंग, दलित समाजावर दिवसेंदिवस खून, अत्याचार, जीवघेणे हल्ले, सामाजिक बहिष्कार अशा अन्याय, अत्याचाराचे प्रमाण वाढले आहे. पुरोगामी महाराष्ट्रात मातंग समाज कुठेच सुरक्षित नाही. राज्यकर्ते, शासन, पोलीस यंत्रणा हे दुर्लक्ष करत आहेत. त्यामुळे या अन्यायी घटनेचा जाहीर निषेध व्यक्त करण्यासाठी तसेच गोविंद कांबळे व जनार्दन कसारे यांच्या मारेकऱ्यांना फाशीची शिक्षा द्यावी या व इतर मागण्यांसाठी सोमवारी जिल्हाधिकारी कार्यालयासमोर निषेध व धरणे आंदोलन करण्यात आले.

जिल्ह्यातील मातंग व दलित बहुजन समाजातील विविध सामाजिक संघटना, पदाधिकारी, कार्यकर्ते यांच्या वतीने हे आंदोलन करण्यात आले. यावेळी अण्णाभाऊ साठे क्रांती आंदोलनाचे अध्यक्ष सतीश कावडे, परमेश्वर बंडेवार, चंपतराव हातागळे, मानवी हक्क अभियानाचे मराठवाडा अध्यक्ष मच्छिंद्र गवाले, संघमित्रा गवळे, मालोजी वाघमारे, अ‍ॅड. बी. एम. गायकवाड, अ‍ॅड. शिवराज कोळीकर, ‍ॲड. बी.एम. बादलगावकर, गंगाधर कावडे, शंकरराव गायकवाड, प्रा. व्यंकट सूर्यवंशी, नागेश तादलापूरकर, भीमराव बल्लूरकर, सर्जेराव वाघमारे, आकाश बरूडे, विशाल कंधारे, साहेबराव गुंडिले, अब्दुल गफार, यादवराव वाघमारे, गंगाधर गायकवाड, सम्राट हटकर, श्याम सरोदे, जयराज गायकवाड, अण्णाभाऊ साठे क्रांती आंदोलनाचे मराठवाडा अध्यक्ष पिराजी गाडेकर, जिल्हा उपाध्यक्ष विठ्ठल घाटे, आनंद वंजारे, यशवंत लखुंडे, जी.आर. सूर्यवंशी, मारोती केंद्रे, कैलास गायकवाड आदींची उपस्थिती होती.