नांदेड : रविवारीही (ता. सात) कोरोना पॉझिटिव्हची मालिका सुरुच राहिली. रात्री १० वाजेनंतर आलेल्या अहवालामध्ये दोन पॉझिटिव्ह रुग्ण आढळल्याची माहिती जिल्हा शल्यचिकित्सक डॉ. निळकंठ भोसीकर यांनी दिली. त्यामुळे आता कोरोना बाधित रुग्णांची संख्या १९२ वर गेली आहे.
रविवारी दुपारी पाच वाजता ३२ स्वॅब नमुने अहवाल प्राप्त झाले होते. त्यातील २७ अहवाल निगेटिव्ह आले आहेत, तर पाच अहवाल अनिर्णित अवस्थेत आहेत. त्यामुळे रविवारचा दिवस नांदेडकरांसाठी मोठा दिलासा देणार ठरला होता. मात्र, रात्री १० वाजता ३२ स्वॅबचा अहवाल प्राप्त झाला. त्यामध्ये उमर कॉलनी (देगलूर नाका) येथील ५४ वर्षीय पुरुष तर गुलजार बाग येथील ५५ वर्षीय महिला अशा दोघांचा अहवाल पॉझिटिव्ह आला आहे.
दोन रुग्णांना डिस्चार्ज
डॉ. भोसीकर म्हणाले की, ‘‘उपचार सुरू असलेल्या ५३ रुग्णांतील तीन पॉझिटिव्ह रुग्णांपैकी एक ६५ वर्षी महिला आणि ६५ व ७४ वर्षीय दोन पुरुष यांच्याकडून औषधोपचारास प्रतिसाद मिळत नसल्याने त्यांची तब्येत नाजुक झाली आहे. मात्र, असे असले तरी त्यांच्यावर शर्थीचे प्रयत्न सुरू आहेत. रविवारी पंजाब भवन यात्री निवास येथील दोन रुग्ण बरे झाल्याने त्यांना रुग्णालयातून सुटी देण्यात आली.’’
रविवारी पुन्हा ५९ संशयित व्यक्तींचा स्वॅब नमुने तपासणीसाठी घेण्यात आले असून, त्यांचा अहवाल सोमवारी (ता. आठ) सायंकाळपर्यंत येण्याची शक्यता वर्तविण्यात येत आहे. सध्या जिल्ह्यातील कोरोना रुग्णांची संख्या १९२ इतकी झाली असून, यापैकी आठ रुग्णांचा उपचारादरम्यान मृत्यू झाला, तर १३१ रुग्ण बरे होऊन घरी परतले आहेत.
कोरोनाची दिवसभरातील संक्षिप्त माहिती
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.