नांदेड : जिल्ह्यात (Nanded) मंगळवारी (ता. १४) सायंकाळी प्राप्त झालेल्या ५७१ अहवालांपैकी पाच अहवाल कोरोनाबाधित (Corona) आले आहेत. दिवसभरात एका रुग्णाला औषधोपचारानंतर सुटी देण्यात आली आहे. सध्या ३३ रुग्ण उपचार घेत असून चार बाधितांची प्रकृती अतिगंभीर आहे. जिल्ह्यात एकुण बाधितांची संख्या ९० हजार २८७ एवढी झाली असून त्यातील ८७ हजार ६०३ रुग्णांना रुग्णालयातून सुटी देण्यात आली आहे. उपचारानंतर बाधित रुग्ण बरे होण्याचे प्रमाण ९७.२ टक्के आहे. जिल्ह्यात आतापर्यंत बाधित मृत रुग्णांची संख्या २ हजार ६५१ एवढी आहे. आजच्या बाधितांमध्ये आरटीपीसीआर तपासणीद्वारे (Corona In Nanded) नांदेड महापालिका क्षेत्रात एकुण पाच बाधित आढळले.

सध्या ३३ रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नऊ, नांदेड महापालिका अंतर्गत गृह विलगीकरण १४, नांदेड जिल्ह्यातील तालुक्याअंतर्गत गृह विलगीकरण सहा आणि खासगी रुग्णालयात चार व्यक्ती उपचार घेत आहेत.

नांदेड कोरोना मीटर
एकुण स्वॅब- ७ लाख २१ हजार ५९२
एकुण निगेटिव्ह - ६ लाख १८ हजार ३८९
एकुण पॉझिटिव्ह - ९० हजार २८७
एकुण बरे - ८७ हजार ६०३
एकुण मृत्यू - २ हजार ६५१
मंगळवारी बाधित - पाच
मंगळवारी बरे - एक
मंगळवारी मृत्यू - शून्य
उपचार सुरू - ३३
अतिगंभीर प्रकृती - चार