नांदेड : स्वातंत्र्याचा अमृत महोत्सवा निमित्त ‘हर घर तिरंगा’ उपक्रम प्रादेशिक परिवहन अधिकारी शैलेश कामत यांच्या मार्गदर्शनाखाली राबविण्यात येत आहे. या उपक्रमाचे उद्‍घाटन नुकतेच प्रादेशिक परिवहन कार्यालयात उपप्रादेशिक परिवहन अधिकारी अविनाश राऊत यांच्या हस्ते झाले.

यावेळी त्यांनी ‘हर घर तिरंगा’ या उपक्रमात नागरिकांनी सहभाग घ्यावा, असे आवाहन करण्यात आले. ज्यामुळे नांदेड जिल्ह्याचा नावलौकीक होईल. तसेच याबाबतची नोंद https://harghartirangananded.in या संकेतस्थळावर करावी, असे आवाहन उपप्रादेशिक परिवहन अधिकारी अविनाश राऊत केले. सहायक प्रादेशिक परिवहन अधिकारी संदीप निमसे यांनी ‘हर घर तिरंगा’ या उपक्रमासाठी शंभर भारतीय ध्वज देणगी स्वरुपात वितरणासाठी उपलब्ध करुन दिले.

यावेळी कार्यालयात अनुज्ञप्ती व इतर कामांसाठी आलेल्या नागरिकांमध्ये ध्वज वाटप करण्यात आले. विक्रीसाठी ध्वज प्रादेशिक परिवहन कार्यालयात महिला आर्थिक विकास महामंडळ नांदेडचे सावित्री महिला लोक संचलित साधन केंद्र यांच्यामार्फत उपलब्ध करुन देण्यात आले आहेत. या कार्यक्रमास कार्यालयातील अधिकारी, कर्मचारी व नागरिकांची उपस्थिती होती.