नांदेड - श्रीराम जन्मभूमीवर मंदिर उभारणीचे आंदोलन अंतिम टप्प्यात आले आहे. सर्वोच्च न्यायालयाचा ऐतिहासिक निकाल आणि त्यानंतर झालेल्या भूमिपूजन समारंभानंतर आता मंदिर निर्माण कार्याला सुरवात झाली आहे. या मंदिराच्या निर्माणाच्या कार्यात अधिकधिक राम भक्ताचे योगदान झाले पाहिजे. यासाठी मकर संक्रांती पासून एक महिन्याचे विशेष अभियान घेण्यात येणार असल्याची माहिती डॉ. विरुपाक्ष शिवाचार्य महाराज मुखेड श्रीराम मंदिर निधी समर्पण अभियान समिती यांनी दिली. 

डॉ. विरुपाक्ष शिवाचार्य महाराज यांच्या उपस्थिती सन्मान प्रेस्टीज येथे शुक्रवारी (ता. एक) पत्रकार परिषदेत त्यांनी माहिती दिली. या वेळी पुढे बोलताना शिवाचार्य महाराज म्हणाले की, जिल्ह्यातील अडीच लाख कुटुंबापर्यंत संपर्क साधून त्यांच्याकडून खारीचा वाटा जमा करण्यात येणार आहे. भव्य मंदिराची उभारणी करताना देशातील गावोगावच्या अधिकाधिक नागरिकांचे योगदान व्हावे आणि त्यांच्या भावना जोडल्या जाव्यात. या हेतूने येत्या मकर संक्रांतीपासून महिनाभरात घरोघरी जाऊन फक्त कार्यकर्ते निधी समर्पण जमा करणार आहेत. 

हेही वाचा- नांदेड : ७५ हजाराच्या देशी दारुसह सात लाखाचा ऐवज जप्त- उस्माननगर पोलिसांची कारवाई ​

हजारो कार्यकर्ते सहभागी होणार 

जमेल तेवढा निधी प्रत्येक कुटुंबाला समर्पित करता यावा यासाठी दहा, शंभर व हजार रुपयाचे कुपण करण्यात आले. जिल्हा व तालुका स्तरावर कार्यकर्त्याच्या बैठका पार पडल्या आहेत. जिल्हातील साधारणपणे एक हजार गावापर्यंत सुमारे अडीच लाख कुटुंबापर्यंत संपर्क करण्यात येणार आहे. यात हजारो कार्यकर्ते सहभागी होणार आहेत. 

हेही वाचा- अर्धापुरात दोन गटात तुंबळ हणामारी, तीन जण जखमी, बारा जणांविरुध्द गुन्हा दाखल ​

मंदिर निर्माण कार्यात खारीचा वाटा नोंदवावा 

हे अभियान संपूर्ण देशभरातील चार लाख गावात व ११ कोटी कुटुंबापर्यंत संपर्क होणार असून, जिल्ह्यातील सर्व ज्ञाती संप्रदायाच्या जाती पंथाच्या सर्व राम भक्तांनी भव्य राम मंदिर निर्माण अभियानात सहभाग नोंदवून आपण मंदिर निर्माण कार्यात खारीचा वाटा नोंदवावा 
अशी विनंती अध्यक्ष डॉ. विरुपाक्ष शिवाचार्य महाराज यांनी केली आहे.